Festival "Food for your senses" kënnt op de Kierchbierg

De Museks-Festival “Food for your senses” soll am Summer 2017 op engem Kierchbierger Site nieft den RTL-Gebaier organiséiert ginn. Do wou d’Rolling Stones am Kulturjoer 1995 opgetruede waren.

Serge Kesseler

Exklusiv thumb_53345_default_big[1].jpg
Foto: cedricletsch.com

De President vum Fong Kierchbierg Patrick Gillen huet eis confirméiert, datt de "Food for your senses" op dee Site um Kierchbierg kënnt. De Fong (FUAK) ass Proprietaire vum Terrain. Virum geplangte Museksfestival ass vum 18. bis den 28. Juli 2017 den internationale Guiden- a Scoutscamp “Go Urban” um selwechte Site.

Prinzipiellen Accord vum Ministère

Aus Ëmweltgrënn géif et kee KO-Critère gi fir e Museksfestival do z’organiséieren, heescht et am Ëmweltministère. Et géif schonn e prinzipiellen Accord ginn. Déi néideg Autorisatioune fir den Organisateur wiere sou gutt wéi fäerdeg. Verschidden Naturschutz-Oplage mussen erfëllt ginn. D’Konzept vun engem méi alternative Konzept vum Festival géif dem Ministère gutt gefalen, heescht et.

“Food for your senses” fir wéi laang um Kierchbierg?

De Luka Heindrichs vun der asbl. Food for your senses hofft, am September dëst Joer Detailer vum Festival 2017 kënnen z’annoncéieren. Fir wéi vill Joer de “Food for your senses” um geplangten neie Site um Kierchbierg kann organiséiert ginn ass nach net kloer. Den Terrain läit net méi an der zone verte. En ass awer Deel vum aktuelle Bebauungsplang (PAG) vun der Stad Lëtzebuerg, als Reserve fir de Bau vu Wunnengen, respektiv engem Lycée.

Ufank vun dësem Joer haten d’Organisateur ugekënnegt, datt 2016 kee Food for your senses organiséiert gëtt, well nach ëmmer keen Terrain fonnt gi war. De “Food for your senses” gouf vun 2007 bis 2012 zu Tënten organiséiert an an de béide Joren duerno zu Biissen. Well d’Organisateure och scho fir 2015 keen Open-Air-Site fonnt hate, war d’lescht Joer als Alternativ de Festival “Capital Sounds” an de Rotonden an der Stad.

Méi zum Thema

Programm

  • Dem Bach seng Mass a si mineur

  • On air

    Panorama

  • Mëttes-Concert - "Mein Vaterland" vum Bedrich Smetana

  • Spektrum - Best Of Eurosonic

  • Noriichten

Dossieren

  • Leipziger Buchmesse 2019

    D'Valerija Berdi an de Michel Delage waren dëst Joer fir de radio 100,7 op der Leipziger Buchmesse. All hier Artikelen a Bäitrag zum Thema fannt Dir hei.

  • Europawahlen 2019

    Vum 23. bis de 26. Mee gëtt an der EU en neit Europaparlament gewielt. Zu Lëtzebuerg gëtt Sonndes, de 26. Mee gewielt. De radio 100,7 bericht iwwer d'Kandidaten an d'Enjeue vun dëse Wahlen.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • Offre d'emploi: 1 journaliste (m/f)

    L'Établissement de Radiodiffusion Socioculturelle, opérateur de la radio de service public radio 100,7, recherche pour ses rédactions un(e) journaliste

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen