Film Forme vun der Isolatioun
"Confinementer" heescht en neie Kuerzfilm vun der plastescher Kënschtlerin Suzan Noesen. Et ass de 17. Bäitrag aus der Low budget-Serie "Filmreakter Quickies". E Gespréich mat der Realisatrice.
Wärend dem Confinement haten déi zwee jonk Cineasten Ady El Assal a Govinda Van Maele d'Serie "Filmreakter Quickies" an d'Liewe geruff. Am ganzen 18 Realisateuren, dorënner de Max Jacoby, d'Julie Schroell an déi zwee Initiateure selwer, sollte mat engem ganz knappe Budget vun all Kéiers 2020 Euro e Kuerzfilm vu manner ewéi zéng Minutten dréinen.
No Liwwerung vum fäerdege Montage zu engem fixen Datum an enger huerteger Postproduktioun sollten d'Court-métragen dann op enger Plattform zur Verfügung gestallt ginn - gratis.
D'Suzan Noesen, bekannt virun allem als plastesch Kënschtlerin, huet dee 17. "quickie" realiséiert, hiren zweete Kuerzfilm no "Livre d'heures-Book of hours" (2019).
Am Gespréich erkläert si, wéi d'Iddi vu "Confinementer" zustane komm ass, wat si heimat wollt zum Ausdrock bréngen, an ob si och e méi laange Film wéilt dréinen.
An der Mediathéik:
LauschterenMéi zum Thema
Destruktiv Logik
Eis Kritiker beschwätzen: "Un Autre monde", "La Vraie famille" an "Uncharted". Den Interview vun der Woch ass mat der Suzan Noesen iwwer hire Kuerzfilm "Confinementer".
Vu Kairo iwwer Ostend op Murmansk
Nieft dem Kenneth Branagh sengem "Death on the Nile" analyséieren eis Kritiker "Compartment Number 6" vum Juho Kuosmanen a "L'Ennemi" vum Stephan Streker.
Ady El Assal
De Film "Sawah" ass den éischte Lëtzebuerger Film, deen elo op Netflix ze gesinn ass.
