Europäesche Literaturpräis Auszeechnung fir een, deen d'Welt a Fro stellt

De Lëtzebuerger Schrëftsteller Gast Groeber ass mam Literaturpräis vun der Europäescher Unioun ausgezeechent ginn, dat fir säi Buch “All Dag verstoppt en aneren”. Fir dëse Präis gouf an zwielef Länner dat beschte Wierk vun engem Jury ausgewielt.

Pia Oppel

Gast Groeber.jpg
(©euprizeliterature.eu/

An enger éischter Reaktioun huet den Auteur Gast Groeber sengem Editeur Gollo Steffen Merci gesot, datt hien u säi Buch gegleeft huet. De Lauréat vum Europäesche Literaturpräis 2016 huet awer och senge Lieser, senge Frënn an dem Jury Merci gesot.

Zur Persoun

De Gast Groeber war laang Enseignant am Fondamental, zënter e puer Joer ass hien de Chef vum "Centre technolink", deen zur Schoulverwaltung vun der Stad Lëtzebuerg gehéiert. 2010 huet hien mam Jugendroman "De Griss" beim Verlag "Op der Lay" säin éischt Buch publizéiert: Zënter 2012 schreift hien och fir Erwuessener. Mat sengem Roman "Manu" war hien 2013 fir de Lëtzebuerger Buchpräis nominéiert.

2012 gouf dem Groeber seng Erzielung "Eng Duerfidyll" beim nationale Literatur-Concours ausgezeechent. Dësen Text gouf zesumme mat anere Kuerzgeschichten ënner dem Titel "All Dag verstoppt een aneren" publizéiert. Wéi den Direkter vum Nationale Literaturzentrum Claude D. Conter am Lëtzebuerger Autorelexikon schreift, gëtt an deem Band "eng Welt a Fro gestallt, an där Materialismus a Wirtschaftsdenken dominéieren".

Zum Präis

De Präis ass mat 5000 Euro dotéiert a gëtt vun der EU-Kommissioun iwwerreecht. D’Zeremonie ass d'Editioun 2016 ass den 31. Mee zu Bréissel. De Literaturpräis vun der EU huet als Zil, datt zäitgenëssesch Literatur an Europa iwwer d'Lännergrenzen ewech gelies ginn. Nieft den 28 EU-Memberen maachen Island a Norwegen, grad ewéi sechs EU-Bäitrëttskandidaten bei dësem Concours mat. An engem Roulement ginn all Joers Auteuren aus zwielef Länner ausgezeechent. Déi viregt Laureaten aus Lëtzebuerg waren den Tullio Forgiarini mat sengem Roman Amok (2013), an de Jean Back mat "Amateur" (2010).

Aner Laureaten vum EU-Literaturpräis 2016 sinn d'Tanja Stupar-Trifunović (Bosnien-Herzegovina), de Christophe Van Gerrewey (Belsch), den Antonis Georgiou (Zypern), de Bjørn Rasmussen (Dänemark), de Paavo Matsin (Estland), d'Selja Ahava (Finnland), den Nenad Joldeski (Mazedonien), de Benedict Wells (Däitschland), de Claudiu M. Florian (Rumänien), d'Jasmin B. Frelih (Slowenien) an de Jesús Carrasco (Spuenien).

Méi zum Thema

labo.jpg
Lëtzebuerger Literatur

Véier rezent Wierker vu Lëtzebuerger Auteure sinn den Ophänkert fir en Echange iwwert d'Literatur vun an zu Lëtzebuerg. Wat zeechent déi aus? Wéi schlecht ass se wierklech?

 

Frank Witzel.jpg
Literatur

Hien huet als absoluten Aussesäiter gegollt. De Frank Witzel ass iwwerrascht, datt hien dëst Joer den Däitsche Buchpräis kritt. Säi Wierk war uganks vun enger Rei Editeure refuséiert ginn.

Programm

Dossieren

  • Festival de Cannes 2019

    Alleguer d'Artikele vum Festival de Cannes 2019.

  • Europawahlen 2019

    Vum 23. bis de 26. Mee gëtt an der EU en neit Europaparlament gewielt. Zu Lëtzebuerg gëtt Sonndes, de 26. Mee gewielt. De radio 100,7 bericht iwwer d'Kandidaten an d'Enjeue vun dëse Wahlen.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen