Jerôme Netgen - Wolleken iwwer Hawaii Pointéierten, melodiéisen, erfrëschend verstëbste Schreifstil

Eng nei Serie mat fënnef schmuele Bänn ass elo bei Edition Kremart publizéiert ginn. Ënner dem Numm Timba ass dës Kollektioun erauskomm, wou de Marc Wilwert, de Jerôme Netgen, d'Catherine Gitzinger, d'Sophie Gitzinger an de Luc Marteling hir Kuerzgeschichten publizéiert hunn. D'Valerija Berdi huet dem Jerôme Netgen seng Erzielung "Wolleken iwwer Hawaii" gelies.

Valerija Berdi / cz

Analys D'Wolleken-iwwer-Hawai
Cover vum Buch "D'Wolleken iwwer Hawaii" vum Jerôme Neltgen

Kennt Dir Openthalt? De Lieu-dit am Weste vu Lëtzebuerg, iergendwou bei Kolpech, Rued an Ell. A genee deen Eck huet de Jerôme Netgen seng Figure ronderëm den enigmatesche Personnage mam Numm Mats gesat.

Hie war op eemol einfach do. An op eemol einfach net méi, schreift de Jerôme Netgen. Mee et ass mol net d'Geschicht vum Mats, déi dës kleng Erzielung esou spannend mécht, mee déi ganz besonnesch Atmosphär, déi den Netgen mat dësem Lokalkolorit verschafft.

D'Generatioun vun den haut 50-Jähregen, déi an der Flower-Power-Zäit oder op d'mannst der Virstellung vun dëser hänke bliwwen ass an dat an engem Lëtzebuerger Duerf, ass d'Bild, dat den Auteur hei, ouni Nostalgie, zeechent. Eng Geschicht voller Referenzen un d'Musek aus de 70er an 80er Joren an dem Geescht vum Flying Dutchman an dem Bloen Eck.

D'Figure sinn, ausser dem Mats, éischter verschwomme Silhouetten. An dat ass dann och dat eenzegt, wat ee bedauere kann, well d'Loscht dës ureg Gestalte besser kennenzeléieren, grouss ass. Fir d'Freed um Liese suergt awer och dem Netgen seng Sprooch.

D'Story hätt net kënnen an enger anerer Sprooch geschriwwe gi wéi op Lëtzebuergesch, an déi ass dem Netgen wonnerbar gelongen. De Stil ass knapp, pointéiert an awer immens melodiéis, iergendwéi erfrëschend verstëbst, wann Dir mir dësen Oxymoron erlaabt.

Eng Rei Alliteratioune suerge fir Schwong, d'Duerstellung vun de Personnagë fir Humor an déi onkonventionell Dramatik fir d'Spannung.

Wien d'Geschichte ronderëm den Här Lehmann vum Sven Regener gären huet, kennt mat de "Wolleken iwwer Hawaii" an de volle Genoss. Eng kuerzweileg Lecture, déi no méi verlaangt.

An der Mediathéik:

Kultur / / Valerija Berdi
Lauschteren

Méi zum Thema

Claude Meisch - Staark Kanner Analys
Buchkritik

D'Buch soll en Abléck an dem Claude Meisch säin Handele ginn, a Perspektiven opweisen, wéi Bildung gelénge kann. Dësem Usproch gëtt d'Buch nëmmen zum Deel gerecht, mengt de Pierre Reyland.

Michel Pauly Meenung
Wëssenschaftlech Literatur

Bicher aus de Geeschteswëssenschafte ginn zu Lëtzebuerg vernoléissegt. Dobäi kéint dat wëssenschaftlecht Buch eng grouss Roll am Nation Branding spillen, seet de Michel Pauly, Professer op der Uni Lëtzebuerg.

Programm

Dossieren

  • Europawahlen 2019

    Vum 23. bis de 26. Mee gëtt an der EU en neit Europaparlament gewielt. Zu Lëtzebuerg gëtt Sonndes, de 26. Mee gewielt. De radio 100,7 bericht iwwer d'Kandidaten an d'Enjeue vun dëse Wahlen.

  • Sozialwahlen 2019

    Den 12. Mäerz ware Sozialwahlen. A ronn 3.800 Betriber, an deene méi wéi 15 Leit schaffen, goufen d'Personaldelegatioune bestëmmt. An déi 60 Vertrieder an der Salariatskammer goufen nei gewielt.

Communiquéen

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen