Casino – Forum d’art contemporain Konscht a Kultur fir jiddereen

D’Kulturoffer zu Lëtzebuerg wiisst. D’Acteure missten dowéinst eng nei Clientèle unzéien, seet déi nei Presidentin vum Casino - Forum d’art contemporain. Fir d’Delphine Munro soll de Casino seng Roll als national Kultur- a Konschtplattform ausbauen.

Mick Entringer /cwi

Delphine Munro
D'Delphine Munro ass Presidentin vum Verwaltungsrot vum Casino.

D’Delphine Munro ass net nëmme Presidentin vum Verwaltungsrot vum Casino - Forum d’art contemporain. Si ass och Responsabel fir d'Konschtkollektioun vun der European Investment Bank. D'Kollektioun ëmfaasst eng 700 Wierker an zielt zu de Bedeitendsten an der Groussregioun. Déi nei Presidentin vum Casino huet jorelaang Erfahrung am Kulturmanagement an an der Kommunikatioun: Si huet am Centre Pomidou zu Paräis, bei der Fondation Cartier, dem Institit français zu Prag, dem Auktiounshaus Sotheby's a bei enger Rëtsch Banken a Finanzinstituter geschafft.

D'Zil vun hirer Nominatioun als Presidentin vum Casino wier et awer net nëmmen, hirt Adressbuch matzebréngen, ënnersträicht d'Delphine Munro. Et géif hir drëms goen, de Konschtmusée lokal ze festegen an international ze promovéieren.

Keng Angscht viru Konscht

De Casino soll an Zukunft méi Wäert op den Austausch mam Public leeën, esou d'Delphine Munro. Dofir solle Ronndëschgespréicher, Debaten a Konferenzen organiséiert ginn. Gläichzäiteg géif awer och an d’Produktioun investéiert ginn. Lëtzebuerg hätt sech zu engem kulturellen Zentrum an der Groussregioun entwéckelt. D'Kulturzeen géif ëmmer méi lieweg ginn an déi kulturell Offer géif sech ëmmer weider entwéckelen. “Dozou wëll ech bäidroen”, betount d'Delphine Munro.

Bei esou enger grousser Offer wier et wichteg eng nei Clientèle unzezéien. D’Delphine Munro wëll virun allem Jonker, eeler Leit a Mënsche mat Handicap fir Konscht begeeschteren. "Zäitgenësseg Konscht ka Leit, déi keng Experte sinn, heiansdo Angscht maachen", esou d’Presidentin vum Casino. Deem misst een entgéint wierken.

An der Mediathéik:

Invité:e vum Dag / /
Lauschteren

Méi zum Thema

Casino-2016.jpg Exklusiv
Konscht

De Verwaltungsrot vum Casino-Forum d’art Contemporain gouf erneiert a vergréissert. Déi nei Presidentin ass bei der Europäescher Investitiounsbank responsabel fir d’Sammlung vun zäitgenëssescher Konscht.

Casino-4.JPG
Géigewaartskonscht

No 11 Wochen huet de Casino Lëtzebuerg seng Dieren nees opgemaach. Gläichzäiteg gouf den 20. Gebuertsdag gefeiert. De radio 100,7 war live dobäi. Hei ass d'Emissioun nach eng Kéier integral.

Net verpassen

Dossieren

  • Dossier: Relatiounen tëscht Portugal a Lëtzebuerg

    Haut ass et den zweeten a leschten Dag vun der Staatsvisitt a Portugal. Eng grouss Lëtzebuerger Delegatioun ass den Ament zu Lissabon. An eisem Dossier fannt dir all eis Bäiträg an Artikelen iwwer d'Theema.

  • De Krich an der Ukrain

    De 24. Februar 2022 huet Russland d'Ukrain militäresch iwwerfall. Déi westlech Länner hu mat Sanktioune reagéiert, Millioune vu Leit sinn aus der Ukrain geflücht.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen