Literatur Lex Jacoby ass gestuerwen

De Schrëftsteller a Papp vun de Walfer Bicherdeeg ass den 20. November am Alter vu 85 Joer gestuerwen. Hien huet Lyrik, Kuerzprosa, Romaner a Reesberichter haaptsächlech an däitscher Sprooch geschriwwen. 

Lex Jacoby
(© CNL / Pier Paolo Leoni)

De Lex Jacoby huet laang zu Klierf Schoul gehalen. Zënter 1951 huet hien niewt sengem Beruff als Enseignant Texter publizéiert: An der "Warte", am "d'Lëtzebuerger Land" an hien war Mataarbechter bei Kultur- a Literaturzäitschrëfte wéi Nos Cahiers, Forum, Galerie an de Cahiers luxembourgeois. 1979 gouf hien och Mataarbechter vum "Cliärrewer Kanton", deen hie laang Joeren als responsabele Redakter geleet huet.

Haaptsujeten am Lex Jacoby senger Literatur sinn Naturverbonnenheet, Landschaften a Joereszäiten, Reesen an d’Relatioun tëscht Heemecht an der Friemt. Kuliss fir seng Texter ass dacks d’Éislek mat sengen Duerfgeschichten, wéi zum Beispill "Der fromme Staub der Feldwege" vun 1990.

De Lex Jacoby krut 1987 de Klierfer Literaturpräis, 1995 de "Rheinlandtaler" fir säin Engagement fir  grenziwwerschreidend Kultur. Säi Roman “Wasserzeichen” krut 1996 de Servais Präis. An de leschte Joren huet de Lex Jacoby keng grouss Romaner méi publizéiert, huet awer weiderhi geschriwwen, wéi hien dem Franck Colotte bei Geleeënheet vun der Soirée fir säi 85. Gebuertsdag dëst Joer am Juni zu Miersch erkläert huet:

De Lex Jacoby war Member vum Lëtzebuerger Schrëftstellerbverband a vum Institut grand-ducal Section Arts et Lettres, deen en 1962 gehollef huet grënnen. Hien ass ee vun de Matbegrënner vun de Walfer Bicherdeeg, déi mam Doud vum Lex Jacoby haut en trauregen Optakt haten.

Net verpassen

  • Offre d'emploi: Redakter/Redactrice Web

    radio 100,7

    Den Média de service public 100,7, deen de radio 100,7 bedreift, sicht en/eng neie/nei Redakter/Redactrice fir d'Onlineredaktioun mat engem Aarbechtskontrakt op onbestëmmten Dauer (CDI) fir 40 Stonnen d'Woch.

Programm

Dossieren

  • Chamberwalen 2023

    Am November gëtt zu Lëtzebuerg en neit Parlament gewielt. Kann d'Dräierkoalitioun vun der DP, LSAP an déi gréng weider d'Regierung stellen, oder gëtt et ee Regierungswiessel?

  • Hëtzt & Dréchent

    2022 ass bis elo vun héijen Temperaturen an extreemer Dréchent markéiert. Wéi eng Impakter huet dat op Mënsch an Ëmwelt?

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen