Literatur Gesondheet, aus der Siicht vu Literaten

Wéi eng Plaz huet d'Gesondheet an der Literatur? Kann d'Literatur d'Gesondheet beaflossen? Froen, deene MedezinerInnen, SchrëftstellerInnen, KënschtlerInnen a WëssenschaftlerInnen op engem Colloque am Mierscher Literaturhaus (9. September) op de Fong wëlle goen.

Valerija Berdi, md

Sébastian Thilges.jpg
Sébastian Thilges

D’Medezin betrëfft de Kierper. D’Literatur adresséiert sech un de Geescht. Dës zwee Dualismen, déi an eiser Kultur déif verankert sinn, wëllen d’Organisateuren vum Colloque “Literatur a Gesondheet” vun Experten hannerfroe loossen.

Mat der Régine Detambel (“Les Livres prennent soin de nous”), beispillsweis, geet et ëm Bibliotherapie, dat heescht den therapeuteschen Asaz vu Bicher a Literatur. Do gëtt et thematesch Katalogen: “Wann s de depressiv bass, da lies dat heiten. Wann s de deng déck Zéif ugestouss hues, dann dat doten”, erkläert de Co-Organisateur Sébastian Thilges “e bësse vereinfacht”. D’Régine Detambel organiséiert awer och Liesatelieren, zu hirer Demarche gehéiert och, Bicher physesch ze fillen an ze richen.

Gesondheet aus dem Bléckwénkel vum Literat

D’Iddi vun dësem Diskussiounsdag zu Miersch ass nom Echec vun enger Bicherverdeelungs-Aktioun entstanen. Fir u Kanner ze kommen, déi nach net liesen, hunn d’Initiateuren erausfonnt, datt ee se besser beim Dokter wéi an enger Bibliothéik kéint erreechen. “D’Literatur hëls de iergendwéi mat wéi eng Pëll”, sou de Sébastian Thilges. Do wier dann och de Lien entstanen tëschent Literatur a Gesondheet. “Mir liewen an enger Kultur vu Gesondheet, an engem Gesondheetskult. Do gëtt et dat editoriaalt Phenomen vun all deene Coaching-Bicher, ee ganz neie literaresche Genre entsteet”.

Am Géigesaz zum Begrëff “Krankheet” kréich ee “Gesondheet” net ze paken. “Engersäits ass et een normative Begrëff: ass gesond wien net krank ass. Anerersäits ass et ee ganz relative Begrëff: net de Nullpunkt vu Krankheet, éischter ee gefilltent Gefill”. Geféierlech géif d’”Gesondheet” ginn, wann domat ausgegrenzt gëtt, erkläert de Sébastian Thilges. De jonke Literaturwëssenschaftler ass de President vun der SLLGC (Societé luxembourgeoise de littérature générale et comparée). All déi verschidde Facette wéilten d’Organisateuren (nieft dem Sébastian Thilges och Fabienne Gilbertz an de Julien Jeusette) op hirem Colloque reflektéieren. Als Literaten an net als Medeziner.

De Verloscht vun der eegener Sprooch, eng Krankheet vum Migrant

Iwwert seng Erfahrunge mat Schreifatelieren zu Lëtzebuerg referéiert de Claudio Cicotti (“L’Autobiobiographie en tant que soi-même”), d’Marie-Anne Hansen-Pauly schwätzt iwwer Krankheet a Gesondheet bei Migranten. “Wéi kann de Verloscht vun der eegener Sprooch och als Krankheet erlieft ginn, a wéi erméiglecht d’Schreiwen et, sech am neie Kontext ze kreéieren”, sou de Sébastian Thilges.

Den zweeten Deel vum Colloque leeft ënnert dem Motto „Iwwert d’Gesondheet schreiwen“, mam Frank Wilhelm, Franck Colotte a Jeff Schinker. Noeneen erkläre si, wat de Victor Hugo, de Gustave Faubert an den Thomas Pynchon a Bezuch op d’Gesondheet geschriwwen hunn.

De Colloque gëtt mat enger Table ronde a Liesungen ofgeschloss. De Michel Clees an de Marc Graas sinn an hirer duebeler Funktioun als Medeziner a Schrëftsteller invitéiert. De Georges Hausemer huet a sengem Roman “Der Suppenfisch” an och op sengem Blog iwwer d’Krankheet a “krank sinn” geschriwwen. Zu Miersch ginn och Konschtwierker vum Isabelle Hoffmann, Franco Lagos Martino an Elodie Malanda ausgestallt.

An der Mediathéik:

Kultur / / Valerija Berdi
Lauschteren

Méi zum Thema

summerdag cnl.JPG
Literatur

Summer, Sonn a Literatur. Am Mierscher Literaturhaus hu Lëtzebuerger Romancieren an Dichter aus hire rezente Wierker gelies a sech mat Literaturkritiker iwwer hiert Schreiwen ënnerhalen.

labo.jpg
Lëtzebuerger Literatur

Véier rezent Wierker vu Lëtzebuerger Auteure sinn den Ophänkert fir en Echange iwwert d'Literatur vun an zu Lëtzebuerg. Wat zeechent déi aus? Wéi schlecht ass se wierklech?

 

Programm

  • Notturno

  • On air

    Virum Dag

    • Chronik - Keng Karrikature méi an der New York Times

  • Moies-Magazin

  • Iwwer Mëtteg

  • Resonanzen

Dossieren

  • Europawahlen 2019

    Vum 23. bis de 26. Mee gëtt an der EU en neit Europaparlament gewielt. Zu Lëtzebuerg gëtt Sonndes, de 26. Mee gewielt. De radio 100,7 bericht iwwer d'Kandidaten an d'Enjeue vun dëse Wahlen.

  • Festival de Cannes 2019

    Alleguer d'Artikele vum Festival de Cannes 2019.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen