Literatur "D'Grenzen tëschent de soziale Milieue si porös"

Op Invitatioun vum Institut Pierre Werner war de Laureat vum Prix Goncourt 2018, Auteur vu "Leurs enfants après eux" (Actes Sud), dës Woch hei am Land. Mam Nicolas Mathieu hu mir iwwer d'Gefill fir Klassenënnerscheeder, de sozio-ekonomeschen Ënnergang vun der Lorraine a Summerléift geschwat.

Michel Delage

Nicolas Mathieu
Foto: Joël Saget

"Vun engem Dag op deen aneren ass d'Zuel vu menge Facebook-Kollege vu 500 op 5.000 geklommen", seet den Nicolas Mathieu iwwer den Effet vum Prix Goncourt. Och wann hie sech elo ronderëm d'Auer kéint mat senger Literatur beschäftegen, wier et him wichteg, weiderhin e Fouss an der Aarbechtswelt ze behalen.

Den Nicolas Mathieu ass 1978 zu Epinal an de Vogese gebuer. Elo lieft hien zu Nanzéch. No sengem éischte Roman "Aux animaux la guerre" (Actes Sud, 2014) gouf hien d'lescht Joer fir säin zweet Buch "Leurs enfants après eux" (Actes sud, 2018) mam Goncourt, dem wichtegste franséische Literaturpräis ausgezeechent.

De Roman erzielt d'Geschicht vun zwee Jugendlechen aus der Aarbechterklass, den Anthony an den Hacine. Alle béid wuessen si an den 1990er Joren zu Heillange (Hayange) op. Och wann eigentlech alles déi zwee Jonge misst matenee verbannen, hu si sech näischt ze soen...

Den Nicolas Mathieu beschreift déi subtil Ënnerscheeder bannent an tëschent de soziale Klassen. Am Roman geet et ëm Konflikter, ëm Gewalt, ëm de Manktem u Perspektiven an der desindustrialiséierter Lorraine. Et geet ëm Pappen, där hir Welt mat der Schmelz ënnergaangen ass, an déi net méi wëssen, wou se dru sinn. Et geet ëm Fraen, déi versichen, dat bescht dorausser ze maachen - trotz allem.

An et geet ëm Léift, oder ëm d'Méiglechkeet vun der Léift, ëm d'Hoffnungen, déi een sech mécht, wann d'Summersonn d'Loscht an de Kierperen opkomme léisst...

Méi zum Thema

DEBUTTEK-1-all actors table-(c) samsa film-artémis productions.jpg FILMKRITIK
Nei am Kino

Den Acteur Luc Feit huet mat "De Buttek" eng batter-béis Komedie gedréint, där hir speziell Ästhetik am konformistesche Lëtzebuerger Mainstream erfrëschend wierkt, fënnt de Michel Delage.

Thibaud Schneider
Groussregioun

De jéngste Participant, de 24 Joer jonke Metzer Sculpteur a Moler Thibaud Schneider, ass de Laureat vum Prix d'Art Robert Schuman 2019. D'Aarbechte vun alle 16 Kënschtler sinn am Cercle Cité ze gesinn.

Programm

Net verpassen

Dossieren

  • #beethoven20

    De Jean Muller gëtt an 32 Episoden en déiwen Abléck an de Kosmos vum Ludwig van Beethoven senge Pianossonaten.

  • Coronavirus

    Den neiaartege Coronavirus Sars-CoV-2 breet sech ëmmer méi aus. De Virus léist d'Krankheet COVID-19 aus. Wéi eng Mesurë gi geholl, a wéi een Impakt huet en op Lëtzebuerg?

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen