Literatur am Ausland Inspiratioun fir d'Lëtzebuerger Kulturzeen

Déi Lëtzebuerger Schrëftstellerinnen Nathalie Ronvaux an Nora Wagener ware viru Kuerzem op de Booksa-Festival zu Zagreb agelueden. A si hu vun do vill Iddie fir d'Auteuren heiheem matbruecht.

Valerija Berdi / ckl

Booksa Wagener.jpg
D'Nora Wagener (Foto) war mam Nathalie Ronvaux zu Zagreb (Foto: Ivan Idžojtić)

Austausch, Liesungen, Renconteren, Formatioun vu Kritiker, Atelieren – an dat alles am Déngscht vun der Literatur. All Joer organiséiert d’Equippe vu Booksa e Literaturfestival, wou etabléiert Auteuren an Autorinnen aus dem Ausland op Zagreb a Kroatien invitéiert ginn.

D’Nathalie Ronvaux an d’Nora Wagener waren dëst Joer ënnert den ageluedene Gäscht, déi aner véier koumen aus Holland an der Belsch. Benelux war de Motto vum Festival, dee sech "Revue vu klenge Literaturen" nennt.

Literatur fir jiddereen

Et waren Auteure vun alle literaresche Genren dobäi – vu Kannerbicher bis bei d'Lyrik. "An och ënnerschiddlech Stëmmunge ware präsent", erënnert d'Nora Wagener sech. "Witzeg Texter, méi eeschter...alles an allem war et ee gelongent Evenement".

Nieft de Liesunge vun hiren Texter an der Originalsprooch, war et virun allem den Austausch mat de Kollegen aus dem Gaaschtland, dee beandrockt huet, fënnt d'Nathalie Ronvaux. "Zu Zagreb huet een immens staark gespuert, datt een Interessi gëtt, an een akademeschen Esprit. Wat awer net heescht datt nëmmen déi Leit un der Literatur intresséiert wieren". De Wee wéi de Festival verschidde Publikumen zesummebréngt wier besonnesch gelongen, sou d'Nathalie Ronvaux. "Literatur gehéiert do zum Alldag an ass net just reservéiert fir een Deel vun der Bevëlkerung".

Nach vill Chantieren zu Lëtzebuerg

Nieft ville positiven Andréck, ass den zwou Lëtzebuerger Schrëftstellerinnen awer och nach méi bewosst ginn, datt um Plang vun der Literatur ze Lëtzebuerg nach vill Chantier missten an Ugrëff geholl ginn. "Am Austausch mat aneren Auteuren geet et natierlech och ëm d'Liewen als Auteur an anere Länner. An ech war ganz positiv iwwerrascht doriwwer, wéi vill Méiglechkeeten Auteuren, zum Beispill an Holland, hunn. Do gëtt et ee Fërderprogramm an een eegene Statut als Schrëftsteller", sou d'Nora Wagener.

A Flandere existéiert iwwerdeems eng Plattform fir lokal Schrëftsteller ze promouvéieren, zum Beispill doduerch datt d'Iwwersetzung vun hiren Texter op Englesch matfinanzéiert gëtt. "Iwwert sou Prozesser misst och hei zu Lëtzebuerg iwwerluecht ginn", sou d'Nathalie Ronvaux.

"Hoffentlech hues Du ee gudden Dokter..."

Datt Lëtzebuerg an deem Beräich am Verglach mat den anere Länner e Retard huet, erkläert d'Schrëftstellerin sech domat, datt Lëtzebuerg elo eréischt am Gaangen ass, d’Traditioun vun der Kultur opzebauen. "An do muss een sech d'Fro stellen, wéi grouss de Wëllen ass, fir eng séier Evolutioun vun de Systemer an deene Kënschtler sech beweegen". D'Kënschtler géifen nämlech och mathëllefen, ee gewëssen Image no baussen ze droen, dovun ass d'Nathalie Ronvaux iwwerzeegt.

D'Schrëftstellerin hofft, datt déi villverspriechend Generatioun, déi elo um Kommen ass, de richtege Wee an déi néideg Méiglechkeete fënnt. Och d’Nora Wagener, dat dëser jonker, literaresch attraktiver Generatioun ugehéiert, wënscht sech eng méi gesond Kulturpolitik. En attendant seet si: "Rezent hunn ech de Xavier Bettel um radio 100,7 héieren, wéi e sot 'Wann et der Kultur gutt geet, da geet et mir gutt". Do duecht ech mir just 'Hoffentlech hues du ee gudden Dokter, well eis geet et hei iwwerhaapt net gutt'".

Zwou Lëtzebuergerinnen zu Zagreb (Deel 1)

An der Mediathéik:

Kultur / /
Lauschteren

Méi zum Thema

Buch
Lëtzebuerger Literatur

Literaturpräisser, innovativ Projeten an zeg Literaturevenementer: D'Literaturjoer 2016 hat villes ze bidden. Wat huet d'Lëtzebuerger Literatur am Joer 2016 am meeschte markéiert? Ee Réckbléck.

valerija larven.JPG
Literaresch Rares

Momenter aus dem Liewen huet déi jonk Lëtzebuerger Schrëftstellerin agefaangen an op eng iwwerraschend Manéier op d'Blat bruecht.

Michel Pauly Meenung
Kulturassisen

Och Kënschtler a Wëssenschaftler solle fir hir Aarbecht entschiedegt ginn. Den Historiker Michel Pauly kënnt zréck op d’Kulturassisen an op de Kënschtler hir finanziell Fuerderungen.

Programm

Dossieren

  • Leipziger Buchmesse 2019

    D'Valerija Berdi an de Michel Delage waren dëst Joer fir de radio 100,7 op der Leipziger Buchmesse. All hier Artikelen a Bäitrag zum Thema fannt Dir hei.

  • Europawahlen 2019

    Vum 23. bis de 26. Mee gëtt an der EU en neit Europaparlament gewielt. Zu Lëtzebuerg gëtt Sonndes, de 26. Mee gewielt. De radio 100,7 bericht iwwer d'Kandidaten an d'Enjeue vun dëse Wahlen.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • Offre d'emploi: 1 journaliste (m/f)

    L'Établissement de Radiodiffusion Socioculturelle, opérateur de la radio de service public radio 100,7, recherche pour ses rédactions un(e) journaliste

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen