Literatur Jean Portante kritt Servais-Präis 2016

"L'Architecture des temps instables" heescht dem Jean Portante säi präisgekréinte Roman. D'Fondation Servais huet de jonken Dichter Luc van den Bossche mam Prix d'encouragement belount.

Nathalie Bender, md

portante architecture temps instsables.JPG
Prix Servais fir dem Jean Portante säi leschte Roman

Et ass en décke Roman, deen de Jean Portante d’lescht Joer am November bei den Editions Phi publizéiert huet: “L’Architecture des temps instables”. 467 Säiten, déi eigentlech schonn zwee Joer éischter sollte verëffentlecht ginn. Déi verschidde Fiedem, déi hien am Text gesponnen a verwuewen hat, hunn nach misste méi fest zesummegezu ginn. Fir op en anere Punkt ze kommen, sou den Auteur an engem Wort-Interview.

D’Aarbecht huet sech gelount. Fir de Jean Portante, Lëtzebuerger Auteur mat italieneschen Originnen, ass et schonn den zweete Prix Servais. 1994 war scho “Mrs. Haroy, ou la mémoire de la baleinebelount ginn.

Autobiographesche Roman?

L’Architecture des temps instables”, eng Geschicht, erzielt vu véier Personnagen: Monni, Papp, Fils a Groussmamm. Mir reese mat hinne vun Déifferdeng bis an d’Abruzzen, mat e sëllechen Tëschenetappen: Cuba, Paräis Eng Familljesaga? Inspiréiert um Jean Portante sengem eegene Liewen? “Net wierklech”, sou den Auteur am Februar am 100,7-Interview. “D’Literatur ass ebe just do fir eng Transformatioun ze maache vun der Realitéit. Wat iwwreg bleift am Roman ass eng aner Realitéit”.

Am Roman ginn Theme behandelt wéi Migratioun, Krich, Papp-Bouf Bezéiungen. Mee och eng Siicht op d’Welt vum 20. Joerhonnert zu Lëtzebuerg, där hire Bléckwénkel op d’Welt erweidert gëtt.

Begrënnung vum Jury

Et geléngt dem Jean Portante, an dësem villschichtege Roman, déi iwwer Generatioune gestreckte Familljegeschicht mat de geopolitesche Weeër an Ierweeër vum Éischte Weltkrich bis bei de Fall vun der Berliner Mauer wäitreechend ze verknëppen, begrënnt de Jury vum Servais-Präis säi Choix. D’Architektur vum Jean Portante sengem Roman berout op dräi Pilieren: eng enk gestréckten Erzielung, eng gemeeschtert Konstruktioun an eng souverän Fieder. Den Auteur bréngt et fäerdeg, de Lieser ze fesselen, sou de Jury, och dëst Joer vum Pierre Marson presidéiert.

De Servais-Präis priméiert all Joer dat bedeitendst literarescht Wierk, dat am Laf vum Joer – an dësem Fall 2015 – erauskomm ass. Dotéiert ass e mat 6.000 €. W

De Prix d’encouragement geet dëst Joer un de jonke Luc van den Bossche fir seng Gedichter-Sammlung “Sangs”. De Jury wollt déi formell Originalitéit a poetesch Innovatioun vum Luc van den Bossche senger Lyrik ervir sträichen. Dotéiert ass dee Präis mat 4.000 €.

An der Mediathéik:

Kultur / / Nathalie Bender
Lauschteren

Programm

Dossieren

  • Lëtzebuerg entdecken

    De Summer ass normalerweis déi Zäit, an där de Lëtzebuerger an d'Vakanz fiert. Mee net nëmmen am Ausland gëtt et vill ze entdecken, och hei am Land ginn et vill schéin Ausfluchsziler.

  • Verfassungsreform

    D'Verfassung vun 1868 soll duerch eng nei Verfassung ersat ginn. 2009 gouf dëse Reformprozess formell lancéiert an nach ass d'Aarbecht net ofgeschloss. Et ass nach e Referendum iwwer den neien Text geplangt.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen