Cineast Spirituell a pragmatesch

Eng spirituell a mystesch Welt mécht d'Grenze vum Kino méi grouss op, esou de Rainer Sarnet am 100,7 Interview. Am Kader vum Cineast Filmfestival huet den estnesche Realisateur säin neie Film "November" virgestallt. An do fënnt een dann effektiv ee Mäerche mat Geeschter, Werwëllef, Kierchen a vill ellene Gesiichter.

Maxi Pesch

Rainer Sarnet.jpg

"D'Mystik mécht och eist Denke méi op. Villäicht ass et net ganz logesch, vläicht brauch dëst Denken méi Intuitioun, méi Emotiounen". Trotzdeem war et dem Rainer Sarnet säin Zil eng realistesch an natierlech Geschicht z'erzielen.

"Ech wollt déi spirituell an déi pragmatesch Welt zesumme bréngen".

Fir sou no wéi méiglech un d'Realitéit ze kommen huet de Realisateur sech um estnesche Photograph Johannes Pääsuke inspiréiert. "Hien huet Photoen iwwert estnesch Bauere geholl ugangs dem 20te Joerhonnert. Sou krut ech eng anthropologesch Iwwersiicht doriwwer wei d'Mënschen deemools ausgesinn hunn a wei se gelieft hunn. D'Welt gesäit ganz realistesch aus mee iergendwéi och ongleeflech".

De Film baséiert um Andrus Kivirähk sengem Klassiker "Rehepapp". E bekannten Atheist an Estland. Dem Rainer Sarnet säin Zil wier et awer net een atheistesche Message ze senden. Am Géigendeel, den Zuschauer daucht dee ganzen Zäit an eng spirituell Welt an. "Ech hoffen datt de Jesus zum Schluss wäert gewannen". Estland wier zwar dat atheisteschst d'Land op der Welt, mee d'Leit géifen u Séile gleewen an hätten eng Staark Verbindung zur Natur. "Ech selwer gleewen un den hëllege Geescht".

"Ech gleewen un den hëllege Geescht"

"November" ass ee Film deen eng egoistesch a giereg Societéit erëmspigelt. Dat géif net nëmmen op Estland passe mee op déi ganz Welt esou de Rainer Sarnet. "Mir liewen all an enger giereger Welt. Se heescht "Kapitalismus".

Mir sichen alleguerten no eppes schéinem, eppes anerem, dat eis hëllefe kann an dëser Welt ze liewen".

November ass virun allem awer ee Film iwwert d'Léift. Et wier usech eng einfach Libesgeschicht iwwert eng Fra déi sech verléift, mee der hier Léift widdersprach gëtt. Obwuel d'Haaptprotagonistin ëmmer eleng ass, ass et hier Léift fir deen aneren déi am Mëttelpunkt steet. D'Léift ass deemno onofhängeg vun der Societéit esou de Rainer Sarnet.

Léift am Mëttelpunkt

Den estnesche Realisateur huet eng ganz Rei net-professionell Schauspiller a sengem Film benotzt. Si hätten him gehollef déi Einfachheet z'erhalen déi hie wollt. "Ech hu léiwer verzweiwelt Leit, wéi Leit déi spillen datt se verzweiwelt sinn. Ech wollt net datt d'Schauspillerei ze vill nuancéiert wier." Am Film "November" géif et eng ganz elle Welt ginn, deemno hätt de Rainer Sarnet och ganz elle Gesiichter gebraucht.

November fält virun allem duerch seng Visuell Konscht op. D'Biller kommen aus dem Mart Taniel senger Kamera. Ganz a schwaarz a wäiss kreéiert den estnesche Cinematographer eng perfekt Harmonie tëschent Dekor, Luucht an Aktioun. Hien spillt mat de Kontraster a kréieirt e visuellt Gedicht. Virum Storyboard hätt sech de Rainer Sarnet u Chineseschen a japanesche Geeschtergeschichten inspiréiert.

Schwaarz/wäiss Harmonie

Fir déi passend Musek huet de Rainer Sarnet mam jonke polnesche Komponist Michał Jacaszek geschafft. Et ass déi elektronesch akustesch Musek déi dem Film eng bestëmmte gruseleg Atmosphär gëtt.

"Ech hunn en Interview mat him gesi wou hie seet datt d'Musek an engem Film soll duerchsiichteg sinn. An dat huet mir gefall. De Jacaszek ass allerdengs ee ganz reliséiese polnesche Katholik. Am Ufank wollt hien net mat maachen, well lauter blasphemesch Seenen am film sinn."

Nodeems hien allerdéngs den éischte Ausschnëtt gesinn hätt hätt hien direkt zou gesot.

60 Deeg huet den Dréi gedauert. Well d'Crew huet missten op déi richteg Wiederkonditioune waarden. Virun allem déi vill Déieren déi matgespillt hunn wiere problematesch gewiecht. "D'Gees war zum Beispill en immens gudde Schauspiller. Mee dat schwaarzt Schwäin, do hu mir laang gebraucht".

Lauschteren : ITW Rainer Sarnet

An der Mediathéik:

Kultur / / Maxi Pesch
Lauschteren

Méi zum Thema

miracle_07.jpg
Cineast

"Miracle" (Stebuklas) vun der litauescher Realisatrice Egle Vertelyte setzt sech - op eng humoristesch Aart a Weis - mat de soziale Konsequenze vum Zesummebroch vun der Sowjetunioun auserneen.

directions_03.jpg
CinEast

"Directions" hëlt d'Spectateure mat op eng Taxirees duerch déi bulgaresch Haaptstad Sofia an hir sozial Problemer. Originell opgebaut, ganz gutt gespillt an technesch brillant ëmgesat.

FullSizeRender.jpg
Cineast

De Stephan Komandarev bezeechent sech als Optimist. Dowéinst wier de Realisateur vun "Directions" a Bulgarien bliwwen. Mat senge Filmer wëllt hien der Societéit säi Stéck Optimismus schenken.

jupiters_moon_02.jpg
CinEast

Den ambitiéisen ungaresche Film "Jupiter's Moon" vum Film- an Theaterregisseur Kornel Mundruczo suivéiert e Flüchtling mat aussergewéinleche Kräften. De Film gouf um CinEast-Festival 2017 gewisen.

daybreak_03.png
CinEast

"Daybreak" beschreift den Alldagskampf vun enger elengerzéiender Mamm an Albanien. Den albanesche Realisateur Gentian Koçi erreecht mat engem minimalistesche Stil eng grouss Wierkung.

filthy_01.jpg
CinEast

"Filthy", vun der jonker slowakescher Realisatrice Tereza Nvotová, ass een däischtere Film iwwer Vergewaltegung. Duerch an duerch pessimistesch, mä filmesch gutt ëmgesat, fënnt de Michel Delage.

Tereza Nvotová
Cineast

De slowakesche Film "Filthy" soll d'Diskussioun iwwert d'Vergewaltegung am Land opmaachen, seet déi jonk d'Realisatrice Tereza Nvotová am 100,7-Interview. Et wier dat lescht Tabuthema.

Aurora Borealis.JPG
CINEAST

Den Drama "Aurora Borealis: Northern Lights" vun der Ungarin Márta Mészáros ass ee Spuerespill iwwert d'Opschaffe vu schwéiere Familljegeheimnisser. Kohärent a gelongen, fënnt de Michel Delage.

Programm

  • Proms - The Songs of Scott Walker

  • On air

    E-Lodie

  • Notturno

  • Virum Dag

  • Panorama

Dossieren

  • CinÉast 2017

    Schonn déi zéngten Editioun vum Lëtzebuerger Filmfestival, deen e breede Panorama vum "Art et essai"-Kino aus Mëttel- an Osteuropa bitt. Eng 100 Projektioune vu Wierker aus 19 europäesche Länner.

  • Gemengewahlen 2017

    Den 8. Oktober kënnen d'Bierger aus de 105 Gemengen am Land hir lokal Vertrieder nei bestëmmen.

Communiquéen

  • Literaturlabo 7: Bilan

    En Donneschdeg, 7.12. um 19:00 am Institut Pierre Werner

  • Offre d'emploi

    L'Etablissement de Radiodiffusion Socioculturelle recrute un(e) technicien(ne) radio.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen