Buchkritik Tomas Bjornstad - Fjorde

"Fjorde" vum Tomas Bjornstad ass e Gedichtband mat ganz ënnerschiddleche Gedichter. Net just d'Themen, mee och de Stil variéiert.

Valerija Berdi / cbi

Kritik Tomas Bjornstad Fjorde
Tomas Bjornstad - Fjorde

"Eine lyrische Brücke zwischen Luxemburg und Norwegen", schreift den Tomas Bjornstad an effektiv ass seng Lyrik grad esou ofwiesslungsräich, wéi wuel d'Landschaft op der Streck tëschent Lëtzebuerg an Norwegen. An esou wéi op all Trajet, ginn et och hei Segmenter, déi faszinéieren an iwwerraschen, an anerer déi éischter langweilen a midd maachen.

Direkt viraus: Ech hu mech seele gelangweilt, mech awer gefrot, ass dat Lyrik? Et ass sécherlech eng lyresch Sprooch, souguer eng beandrockend an ergräifend, mee egal wéi poetesch en Text ass, et geet awer net duer, fir d'Zeilen ze briechen, fir et da Gedicht nennen ze kënnen.

Ee Beispill:

"Acht Jahre Gymnasium

An der Decke des Saales war ein Riss

aus dem zweimal im Jahr ein Tropfen

Heiterkeit auf mein Heft fiel.

Mir wuchsen die Knochen

zur Haut hinaus. Ich brauchte neue Kleider.

Auch die gaben mir keine Liebe.

Nicht mal, als meine Gedanken

in Brand gerieten, wurde es richtig warm

ums Herz des Wissens.Einzig

die Genauigkeit der Gnome

rettete mich. Nie kamen sie

von ihrem Weg ab."

Mee wann een dësen Text als Prosa liest, da kléngt dat wéi de villverspriechenden Ufank vun enger Geschicht.

Net jiddweree beherrscht d'Spill mam Zeilenëmbroch

Et ginn der vill, virun allem zäitgenëssesch Auteuren an Autorinnen, déi dëst Spill mat der Sprooch an Zeilenëmbréch ganz gelonge beherrschen, mee dem Tomas Bjornstad géif ech awer am Léifste soen, datt hie seng poetesch Sprooch fir eng Novelle, e Roman, eng Erzielungen notze soll. Ech hätt sécherlech vill Freed drun se ze liesen.

Bei anere Gedichter geléngt him awer, seng Intentioun ëmzesetzen, wéi am Gedicht "Aufforderung":

"Jetzt knall dich in die Blumen

und wachse, werde Beet oder Hecke,

Höcker einer Maulwurfsiedlung, späte Forsythie,

schwammblüte eines länsgt verblühten Meeres,

Seerose, Tang, kappe das Tau

und gib endlich dich zu erkennen!"

Op alle Fall, egal wien hanner dem Tomas Bjornstad stécht, et mécht Freed d'Intensitéit vu senger Sprooch ze erliewen, sech a senger Stëmmung anzefänken, de Klang vu senge Biller wierken ze loossen.

Erfrëschend an iergendwéi traditionell modern

D'Mëschung aus de billerräiche Beschreiwungen a sachlechen Elementer produzéieren e Wiessel aus Excitatioun a Keelt an domat verhënnert hien an dat Pathetesch ofzerutschen, an de Gebrauch vun zäitlosen Ausdréck ass erfrëschend an iergendwéi traditionell modern.

"Fjorde" ass e perfekten Titel fir dëse Recueil, an deem sech déi verschidden Elementer begéinen, openee stoussen, sech iwwerwerfen a bezauberen.

E Buch, dat sécherlech seng Opmierksamkeet verdéngt huet an ech free mech op weider Lecture vum Tomas Bjornstad, vläicht op e Prosatext?

An der Mediathéik:

Kultur / / Valerija Berdi
Lauschteren

Méi zum Thema

Concours litteraire national 2018
Nationale Literaturconcours

... Romain Butti mam Theaterstéck "Fir wann ech net méi kann". Gewonnen hunn och de Charel Meder, de Samuel Hamen an d'Anna Leader ass d'Gewënnerin an der Kategorie "jeunes auteurs 15-25 ans".

Samuel Hamen Meenung
Kultur

Ass d'Buch an der Kris? An Zäite vun der Printkris ginn dës Froen ëmmer méi dacks gestallt. Amplaz bei dësem Sujet awer ëmmer méi haart ze blären, sollt een éischter méi genee hikucken, mengt de Samuel Hamen.

Programm

  • Virum Dag

  • On air

    Moies-Magazin

  • Iwwer Mëtteg

  • Resonanzen

  • Spektrum

Dossieren

  • Europawahlen 2019

    Vum 23. bis de 26. Mee gëtt an der EU en neit Europaparlament gewielt. Zu Lëtzebuerg gëtt Sonndes, de 26. Mee gewielt. De radio 100,7 bericht iwwer d'Kandidaten an d'Enjeue vun dëse Wahlen.

  • Festival de Cannes 2019

    Alleguer d'Artikele vum Festival de Cannes 2019.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen