Album vun der Woch Musikalesche Bijou vun engem exoteschen Inselstaat

"Soul Sok Séga" ass eng Compilatioun mat Musek vu Mauritius. Séga war d'Musek vun de Sklaven. Am läschte Joerhonnert huet se eng funky Renaissance erlieft. Wee se nach net kennt, muss se entdecken.

Tom Dockal / ys

soul-souk.jpg

"Mir mussen direkt ophalen, nei Musek opzehuelen an ze produzéieren. Fir d'éischt muss alles gelauschtert ginn, wat schonn exiséiert." Mat dëser Ausso hat de Museker Matthew Herbert all déi Leit viséiert, déi mengen, si géifen alles kennen. Et gëtt nämlech nach vill spannend an exotesch Musek z'entdecken.

Wat ass Séga?

De britesche Label Strut Records ass op Reeditioune vun esou Musek spezialiséiert. Zum Beispill Séga Musek aus de 70er Joere vu Mauritius. Séga war de Blues vun afrikanesche Sklaven, déi am 16. Joerhonnert an den Inselstaat bruecht goufen. Textlech gewierzt mat kreoleschen Devinetten an enger ganz markanter Instrumentéierung aus lokalen Drums an enger Triangel. D'Compilatioun "Soul Sok Séga" ass den Album vun der Woch vum 8. Februar um 100,7.

An den 1960er Joeren huet sech Séga am Post-Sklaverei Zäitalter entwéckelt. Jonker hate keng Loscht op Séga als Identifizéierungsatout als Victime an hunn d'Musek mat westlechen Aflëss aus Jazz, Funk a Soul vermëscht. an de 70er hat sech de moderne Séga fest an der mauritescher Musekwelt etabléiert. Schlësselfigure fir dës Renaissance waren d'Produzente "Gérard Cimiotti" a "Marclaine Antoine". Si stinn um Ufank vun deene meeschter Kënschtler, déi op der Compil vertruede sinn. Ee vun de grousse Staren ass de "Claudio Veeraragoo" mat zwee Songs: "Bonom Chinois" a "Bhai Aboo".

Fir déi zweet Halschent 2016 huet de Label eng Tournée mat deene mauritesche Musekshelden annoncéiert. Dem indeschen Ozean a senge syncopéierten a funky Drums, vermëscht mat obskuren Intrumentarien a flott verréckte Vocals ass schlecht ze widderstoen. Mega Séga!


Link: D'Compilatioun um Site vu Strut Records

An der Mediathéik:

Album vun der Woch / / Tom Dockal
Lauschteren

Méi zum Thema

Eurosonic
Eurosonic 2016

Beim wichtegste Festival fir nei musikalesch Trends läit de Fokus dëst Joer op zentral- an osteuropäesche Länner. E Bléck op eng Musékswelt déi hei manner bekannt ass - wat net onbedengt een Zoufall ass. 

chris maas.jpg
Lëtzebuerger Drummer

De Lëtzebuerger Chris Maas ass fräiberuffleche Museker, deen zu London Perkussioun studéiert huet a mëttlerweil mat weltbekannte Bands ënnerwee ass.100,7-Interview mam talentéierte Batteur.

Programm

Net verpassen

  • De radio 100,7 sicht Redakteren/Animateuren

    radio 100,7

    De radio 100,7 sicht fir seng Magasinn-Redaktioun 1 Redakter/Animateur (m/w) 20 St/W (CDD 1 Joer)
    an 1 Redakter/Animateur (m/w) 40 St/W (CDI) fir direkt ze engagéieren.

Dossieren

  • Déi national Anti-Krise-Pläng an der EU

    Wat maachen d'Länner mat den Suen, déi hinnen aus dem Europäeschen Fonds de Relance zoustinn? An eiser Rubrik Europa Aktuell huele mer déi national Pläng ënner d'Lupe.

  • Kulturjoer Esch2022

    Esch, zesumme mat anere ProSud-Gemengen a franséische Grenzgemengen, ass 2022 europäesch Kulturhaaptstad. An eisem Dossier fannt Dir alles iwwer d'Hannergrënn an d'Projeten, déi fir d'Kulturjoer entstoe wäerten.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen