Courtney Barnett "Alles wat gutt ass, näischt wat schlecht ass"

D'Courtney Barnett ass eng engagéiert Sängerin. Aus onscheinbare Situatioune spënnt si Geschichten, déi vill aussoen iwwer d'Mënschen an d'Gesellschaft, awer och iwwer si selwer. Ee Gespréich.

Yves Stephany

Courtney Barnett
Courtney Barnett (Foto: Pooneh Ghana)

"Tell Me How Your Really Feel" heescht der Courtney Barnett hiren zweeten Album. Jo, et kéint een en och "I Tell You How I Really Feel" nennen, laacht d'Sängerin. "Ech deelen definitiv eng Rëtsch Gefiller."

Schreiwe wier e gudde Prozess fir verschidde Saachen ze verschaffen. Si géif doduerch villes iwwer sech gewuer ginn, wat si soss och viru sech selwer géif verstoppen.

Komplex mënschlech Geschichten an einfachen an dacks witzege Wierder op de Punkt ze bréngen, dat ass der Courtney Barnett hiert grousst Talent. "Am Songwriting hunn ech méi Plaz fir Iddien ze developpéieren. Ech fokusséiere gär op klenge Saachen, déi u sech irrelevant schéngen."

Si gesäit sech selwer als engagéiert Musekerin. "Ech sinn offensichtlech éischter lénks agestallt. Ech si fir alles, wat gutt ass a géint alles, wat schlecht ass."

Musek huet an hiren Aen d'Kraaft fir Mënschen an d'Gesellschaft ze veränneren. "Musek ass staark, well si eis Hoffnung an e Sënn gëtt. Musek encouragéiert eis fir un eppes ze gleewen a fir eppes ze kämpfen. Ech mengen, datt dat heiansdo ënnerschat gëtt, wéi d'Musek Mënschen iwwerall op der Welt zesummebréngt an Iddien a Geschichten deelt."

Wat si géif maachen, wa si keng Sängerin wier? "Wahrscheinlech eppes mat Déieren."

Lauschteren

Méi zum Thema

courtney barnett
Album vun der Woch

Déi australesch Sängerin Courtney Barnett bréngt et fäerdeg, komplex mënschlech Episoden op de Punkt ze bréngen. Op "Tell Me How You Really Feel" gëtt ee vill iwwer hiert Bannescht gewuer.

Programm

  • Virum Dag

  • On air

    Moies-Magazin

  • Iwwer Mëtteg

  • Resonanzen

  • Spektrum

Dossieren

  • Festival de Cannes 2019

    Alleguer d'Artikele vum Festival de Cannes 2019.

  • Europawahlen 2019

    Vum 23. bis de 26. Mee gëtt an der EU en neit Europaparlament gewielt. Zu Lëtzebuerg gëtt Sonndes, de 26. Mee gewielt. De radio 100,7 bericht iwwer d'Kandidaten an d'Enjeue vun dëse Wahlen.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen