Iechternacher Carillon Bimm, Bamm, Bieren

Jidderee kennt de Klang vum Carillon. Awer kaum ee weess, wéi dëst Instrument ausgesäit. Zu Iechternach gouf déi fënnett Editioun vun enger Concerts-Serie agelaut. Mat Wierker vu Bach bis Lady Gaga.

Anne Engels / ys

Carillon
De Fabrice Renard um Iechternacher Carillon

180 Träppleker féiere bis an den héchsten Tuerm vun der Basilika zu Iechternach. Hei steet den Iechternacher Carillon. Den Numm Carillon baséiert um laténgesche Wuert "quaternio". Dat heescht "e Grupp aus Véier". E Carillon ass nämlech aus engem Ensembel vun op d'mannst véier Klacken zesummegesat.

D'international Federatioun vun de Carillonneuren definéiert e Carillon allerdéngs eréischt als Concertsinstrument, wann e 46 Klacken huet. Et gëtt ugeholl, datt deen éischte Carillon mat Clavier ufanks vum 16. Joerhonnert a Flandere gebaut gouf.

E Piano ouni Tasten

De Fabrice Renard ass Carilloneur zu Léck an Enseignant fir Carillon an der Iechternacher Museksschoul. Zu Iechternach wäre 50 Klacken, erkläert hien. "Et ass ganz agreabel hei ze spillen. Den Toucher ass perfekt. Et ass en neit Instrument, dat 2008 gebaut gouf."

E Carillon gesäit e bëssen aus wéi e Piano mat Grëffer amplaz vun enger Tastatur. D'Spille vun dësem Instrument muss geléiert ginn. D'Ausbildung zum Carillonneur dauert ronn zwielef Joer. De Frabrice Renard erkläert, datt niewent den Hänn och d'Féiss zum Asaz kommen. Fir d'Coordinatioun ze trainéieren, an d'Technik ze verbessere misst een all Dag op d'mannst zwou Stonne prouwen.

Mozart a Lady Gaga

De Repertoire vum Carillon limitéiert sech net nëmmen op klassesch a reliéis Musek. De Fabrice Renard spillt zum Beispill och gär mol Stécker vun der amerikanescher Popsängerin Rihanna, déi hien da selwer arrangéiert. "Ech war deen éischte Carillonneur an Europa, dee Lady Gaga interpretéiert huet", erzielt de Museker houfreg. Am selwechte Concert hätt hien awer och Ave verum corpus vum Mozart gespillt. De Carillon wär een Instrument fir de grousse Public: "Natierlech muss ech fir e Maximum vu Leit spillen."

D'Concertsrei zu Iechternach steet dëst Joer ganz am Zeeche vun Europa a Lëtzebuerg. De belsche Komponist an Organist Jean-Luc Lepage huet fir den éischte Concert vum leschte Mëttwoch en Arrangement vum "Léiwe Kleesche" fir Carillon geschriwwen. De Fabrice Renard lauschtert selwer och ganz gären al Lëtzebuerger Vollekslidder.

D'Concerten zu Iechternach sinn nach bis de 17. August ëmmer mëttwochs um 19:30.

An der Mediathéik:

Kultur / / Anne Engels
Lauschteren

Méi zum Thema

20160716-rené lauer morgan meyer -0291.JPG
Musek

Den Duo “Plakeg oder Ugedoen” huet am Casino en interaktive Concert fir Kanner an hir Eltere gespillt. Gespréich mat zwee Erwuessenen, déi selwer Kanner bliwwe sinn a sech z’ameséiere wëssen.

daniel müller schott
Klassik an Jazz

D'Musek méi no bei de Public bréngen. Dat ass d'Ambitioun vum Festival zu Iechternach. Dobäi hëllefe soll méi eng populär Programmatioun, aner Opféierungsplazen, an een Cellist vu Weltklassniveau.

Programm

  • Virum Dag

  • On air

    Moies-Magazin

  • Iwwer Mëtteg

  • Resonanzen

  • Spektrum

Dossieren

  • Affär Traversini/Dieschbourg

    De Roberto Traversini ass als Buergermeeschter an Deputéierten zeréckgetrueden. Hannergrond sinn Autorisatioune fir d'Aarbechten un engem Gaardenhaischen an d'Fro, ob hie bevirdeelegt ginn ass.

  • CinÉast 2019

    Et ass déi zwieleften Editioun vum CinÉast Filmfestival. Vum 3. bis den 20. Oktober ginn iwwer 65 Featuren a 50 Kuerzfilmer aus 20 Länner aus Mëttel- an Osteuropa gewisen.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen