Vun der Long op d'Zong Corbi: D'Hänn an d'Luucht!

All Méindeg am August invitéiert den 100,7 Musekerinnen a Museker an d’Rotonden, déi op Lëtzebuergesch sangen. D’Emissioun “Vun der Long op d’Zong” gëtt owes vu 7 bis 8 live aus dem Kulturzenter zu Bouneweg iwwerdroen, an ass Deel vun der Programmatioun “Congés Annulés”. Den Invité vum 18. August war de Rapper Corbi.

Corbi.jpg
D'Hänn an d'Luucht!

De Corbi hat de Publikum an der Buvette séier op senger Säit. De Set war zesumme gesat aus Stécker aus senger ganzer musikalescher Carrière. Lauschtert dee ganze Concert hei am Stream:

Viru sengem Optrëtt huet de Museker am Interview erkläert, dass seng Texter just an der Mammesprooch vun der Long op d'Zong kommen: “Ech kommen aus engem Ëmfeld zu Zolwer, do hu se all op Franséisch gerappt. Dat huet bei mir ëmmer komesch geklong, dofir hunn ech op Lëtzebuergesch probéiert an ech sinn dobäi bliwwen.” Vill Froen hunn de Corbi a säi Kolleg vun “de Läb” Fluid sech ni gestallt. Och net wéi si 2007 op hirem Debut “Stop zum Boom” gejaut hunn. Et sollt villméi den Ufank vum Boom vum Rap op Lëtzebuergesch ginn.

No 4 Diske mat de Läb en enger Rëtsch Kollaboratiounen huet den Zolwer Rapper am Mäerz 2015 säin éischte Solo-Album erausbruecht. Am Géigesaz zu de Produktioune vun de Läb kommen d’Beats op “De Gëllene Stull” net vum Corbi selwer, mee vum Wisbo a vum Nikkel K, deen de Rapper och an de Rotonden un de Plackespiller an um Mikro begleet huet.

“Am Fong waren et Zacki Zacki Produktiounen: Mir si 40 mol an de Studio gaangen, et si 40 Lidder entstanen, an dunn hu mir eis déi bescht fir den Album erausgesicht.” Och wann e puer Gaaschtmuseker um Disk ze héiere sinn, sinn d’Tracks all Sampel-baséiert. “Dat ass déi Schoul, wou mir hierkommen. An déi Traditioun wëlle mir och weiderféieren,” sou de Corbi.

Den Album “De Gëllene Stull” kann een iwwer de Site vum Läbbel kafen.

Méi zum Thema

Catherine Lorent
Vun der Long op d'Zong

An der Catherine Lorent hirem groussen Uewe gi ganz verschidde Musek-Stiler wéi Black Metal an Jazz matenee vermëscht. Hiren Optrëtt op Lëtzebuergesch war eng Première fir d'Kënschtlerin. 

Serge Tonnar an Eric Falcero
Vun der Long op d'Zong

Och an der Mammesprooch kann ee Mëssverstane ginn. Virun allem vu Leit, déi mengen, si wäre besonnesch gutt Lëtzebuerger. De Serge Tonnar wënscht sech méi Konkurrenz, virun allem bei Liebeslidder.

Programm

Dossieren

  • Affär Traversini/Dieschbourg

    De Roberto Traversini ass als Buergermeeschter an Deputéierten zeréckgetrueden. Hannergrond sinn Autorisatioune fir d'Aarbechten un engem Gaardenhaischen an d'Fro, ob hie bevirdeelegt ginn ass.

  • CinÉast 2019

    Et ass déi zwieleften Editioun vum CinÉast Filmfestival. Vum 3. bis den 20. Oktober ginn iwwer 65 Featuren a 50 Kuerzfilmer aus 20 Länner aus Mëttel- an Osteuropa gewisen.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen