Solistes Européens, Luxembourg De Jérôme Wigny ass neie President

D'Solistes Européens, Luxembourg gi mat engem neie President an déi nei Saison: de Jérôme Wigny iwwerhëlt dës Charge vum Eugène Prim, deen zanter der Grënnung 1989 un der Spëtzt vum Orchester stoung.

Guy Engels / ys

SEL
D'Solistes Européens, Luxembourg

"Mir wëllen d’Zukunft verbreeden", seet den Eugène Prim. De Matgrënner vun de Solistes Européens, Luxembourg zitt sech net aus dem Orchester zeréck. Hie bleift als Directeur général, wou hie weider verantwortlech ass fir Dagesgeschäft.

Aus Altersgrënn wollt den Eugène Prim selwer de Wiessel aleeden. De Verwaltungsrot vun de Solistes Européens, Luxembourg huet sech dowéinst fir eng Restrukturatioun decidéiert - mam Jérôme Wigny als neiem President an enger Direction générale, déi aus dräi Leit besteet: den Eugène Prim, de Chefdrigent Christophe König an Directrice administrative Anne Pierron.

Dës Ëmstrukturéierung ass an Ofsprooch mam Chefdirigent Christoph König geschitt, deen an Aussiicht gestalt huet, säin aktuelle Kontrakt iwwer 2019 eraus ze verlängeren.

Mam Jérôme Wigny, vu Beruff Spezialist vun Investmentfongen, iwwerhëlt een erfuerene Mann d'Presidence vun de Solistes Européens. Deen neie President ass scho laang Member vum Verwaltungsrot. Hie war virdrun Vizepresident an ass och Vizepresident vun den Amis de l'Opéra.

Méi zum Thema

Jean Muller
Musikalesch Visittekaart

Als unerkannten internationale Kënschtler ass de Pianist Jean Muller bestëmmt ee vun deene beschte Museksambassadeuren zu Lëtzebuerg. Säi Museksgoût hält awer net bei der Klassik op.

Christoph König
Solistes Européens Luxembourg

Den Orchester Solistes Européens, Luxembourg spillt zu onrecht déi zweet Gei, fënnt de Christoph König. Den Dirigent fuerdert méi Unerkennung a wëll den Ensemble international positionéieren.

Programm

  • Virum Dag

  • On air

    Moies-Magazin

  • Iwwer Mëtteg

  • Resonanzen

  • Spektrum

Dossieren

  • Lëtzebuerg entdecken

    De Summer ass normalerweis déi Zäit, an där de Lëtzebuerger an d'Vakanz fiert. Mee net nëmmen am Ausland gëtt et vill ze entdecken, och hei am Land ginn et vill schéin Ausfluchsziler.

  • Verfassungsreform

    D'Verfassung vun 1868 soll duerch eng nei Verfassung ersat ginn. 2009 gouf dëse Reformprozess formell lancéiert an nach ass d'Aarbecht net ofgeschloss. Et ass nach e Referendum iwwer den neien Text geplangt.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen