Musek a méi De Koll an Aktioun 2019

Et ass kee Festival, wéi déi aner: de Koll an Aktioun stécht eraus duerch den eemolege Kader vun der Leekoll. D'Programmatioun riicht sech un d'ganz Famill. D'Musek ass dobäi just ee Volet. Atelieren, eng Konschtausstellung, Stroossekonscht, Féierungen duerch de Schifermusée an de bal scho legendären Tour mam Zuch gehéiere genee esou zum Programm.

Koll an Aktioun
2019 wäert déi 5. Editioun vum Koll an Aktioun sinn. Foto: Sam Flammang

"Mir wollte Saache matenee verbannen, déi beienee gehéieren", seet de Philippe Schockweiler vum Koll an Aktioun. Et hätt ee wéilten e richtegen Indie-Festival mat nationalen an internationalen Top-Acts um vergiessenen Industrie-Site organiséieren. Den 8. an 9. Juni ass déi 5. Editioun zu Maartel, wou fréier Schifer ofgebaut gouf.

Vun Disco bis Jazz

Och wa si nach relativ onbekannt ass, d'Ankathie Koi stécht eraus op der Affiche. Déi éisträichesch Sängerin inspiréiert sech un Italo-Disco an 80's Synth-Pop. Bei hiren Optrëtter gëtt si vun engem Keytar-Spiller an engem Drummer begleet. Hir kraaftvoll Stëmm an hir exzentresch Performance sti ganz am Mëttelpunkt.

De Koll an Aktioun ass méi wéi just e Museksfestival. Foto: Sam Flammang

E weideren Highlight ass Blind Butcher aus der Schwäiz. De Post Punk-Duo mécht Musek, déi zugläich danzbar an entertaining ass. D'R&B-Sängerin Coely an den Indie Rock-Quartett Intergalactic Lovers, allebéid aus der Belsch, dierften déi bekanntsten Nimm am Programm sinn.

Donieft setzt déi musikalesch Programmatioun gréisstendeels op Decouverten, wéi déi britesch Orchards. Hinne geléngt de Spagat tëschent progressive Rhythmen, sportleche Gittaren an agängege Pop-Songs.

Musek vu Lëtzebuerg huet e grousse Stellewäert beim Koll an Aktioun. Them Lights, Leen, Serge Tonnar & Legotrip, de Pol Belardi a C'est Karma sinn nëmme puer vun den Nimm, déi dëst Joer am Koll an Aktioun optrieden.

Och beim Catering gëtt näischt dem Zoufall iwwerlooss. D'Produite si gréisstendeels lokal a bio. Bei hirem eegene Stand verkafen d'Organisateure Geméis, wat si selwer ugeplanzt hunn. "Mir wëlle kee risege Festival ginn, mir wëllen nohalteg wuessen", seet de Philippe Schockweiler.

De ganze Programm vum Koll an Aktioun kann een hei fannen:

http://kollanaktioun.lu/programme/


De Christophe Murroccu an de Philippe Schockweiler hunn de Koll an Aktioun virgestallt:

Lauschteren

Méi zum Thema

festival de wiltz
Eng villsäiteg Programmatioun

De Wëltzer Festival geet dëst Joer a seng 67. Editioun. D'Programmatioun bleift ëmmer um Bols vun der Zäit. Niewent Ballet a Klassik melle sech och den Jazz an usprochsvoll Popmusek zu Wuert.

Food for your senses
Food for your senses

D'nächst Joer wäert erëm e Food For Your Senses Festival sinn. Dat wäert awer déi lescht Editioun sinn, seet de Luka Heindrichs. Et hofft een, datt eng jonk Relève schonn an de Startlächer steet.

Programm

  • Virum Dag

  • On air

    Moies-Magazin

  • Iwwer Mëtteg

  • Resonanzen

  • Spektrum

Dossieren

  • Europawahlen 2019

    Vum 23. bis de 26. Mee gëtt an der EU en neit Europaparlament gewielt. Zu Lëtzebuerg gëtt Sonndes, de 26. Mee gewielt. De radio 100,7 bericht iwwer d'Kandidaten an d'Enjeue vun dëse Wahlen.

  • Festival de Cannes 2019

    Alleguer d'Artikele vum Festival de Cannes 2019.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen