Klassik-CD vun der Woch De würdegen Ofschloss vun enger Intégrale

De Marcus Bosch an d'Staatsphilharmonie Nürnberg schléissen hir Dvořák-Intégrale mat der zweeter Sinfonie vum tschechesche Komponist of. Eng Opnam, déi an allen Aspekter iwwerzeegt.

Luc Boentges

CD vun der Woch Dvorak

CD: Antonín Dvořák - Sinfonie Nr. 2

Label: Coviello Classics

Wierker:

  • Sinfonie Nr. 2 a Si bémol Majeur, op. 4
  • Das Goldene Spinnrad, op. 109
Interpretatioun:
Klangqualitéit:

Interpreten: Staatsphilharmonie Nürnberg - Direktioun: Marcus Bosch


Et ass e bëssen ongewéinlech eng Intégrale mat engem manner bekannte Wierk opzehalen. Wie géing zum Beispill eng Beethoven-Intégrale net mat der 9. Sinfonie als Ofschloss kréinen? Genee esou passend wier et gewiescht, wann de Marcus Bosch säin Dvořák-Zyklus mat deem senger 9. op en Enn bruecht hätt. Amplaz huet hie sech déi 2. entscheet.

E Jugendwierk

De Johannes Brahms huet seng éischt Sinfonie mat iwwer 40 Joer geschriwwen. Ze grouss war virdrunner d'Angscht an der Kinneksdisziplin vun all Komponist ze versoen. Beim Antonín Dvořák war dëst anescht. Am Alter vu 24 Joer schreift hien direkt zwou Sinfonien, eng Zäit, an där de jonke Komponist nach op der Sich no enger eegener Tounsprooch war. Vläicht läit et dorunner, datt seng éischt Sinfonien am Verglach zu senge méi spéide Wierker haut éischter onbekannt sinn a vun den Orchesteren dacks ignoréiert ginn.

Ëmsou méi erfreelech ass et ze gesinn, wéi eng Bedeitung de Marcus Bosch der 2. Sinfonie gëtt, andeems hie se un de Schluss vu senger Intégrale setzt. Reng musikalesch gesinn ass dëst Wierk zwar nach net esou opulent, wéi méi spéit Kompositiounen, dofir schéngt et awer vun Inspiratioun just esou ze spruddelen. Vill musikalesch Gedanken, déi den Dirigent zesummenhale muss, fir doriwwer e grousse Bou ze schloen.

Eng lieweg Opnam

Dës Aufgab ass dem Markus Bosch an der Staatsphilharmonie Nürnberg exzellent gelongen. De grousse musikalesche Bou besteet, ouni datt et bei deenen eenzele Passagen u Sprëtzegkeet oder Expressivitéit géing feelen. D'Musek lieft vun de Kontraster, déi de Markus Bosch op allen Niveaue realiséiert. Sief et an der Dynamik oder an der Agogik. Ënnerstëtzt gëtt dës lieweg Musek vun der Klangqualitéit. Den Orchester ass immens präsent, d'Instrumenter kloer definéiert a virun allem iwwerzeegt d'Opdeelung am Raum. Wéi wann een an engem Concertssall géing sëtzen, héiert een de Blech vu méi wäit ewech spillen, wéi zum Beispill déi éischt Geien.

An der Mediathéik:

Lauschteren

Méi zum Thema

Gaillard
Klassik-CD vun der Woch

De Richard Strauss huet net vill fir Cello geschriwwen. Awer d'Wierker op dësem CD gehéieren zu deene beschten aus dem Repertoire fir dëst Instrument, fënnt déi bekannten Cellistin Ophélie Gaillard.

Danzi
Klassik-CD vun der Woch

Zwee jonk Interprete beschäftege sech mat vergiessene Wierker. D'Resultat ass gläichzäiteg elegant a virtuos. Trotz Aflëss vum éisträichesche Meeschter sinn d'Wierker vum Danzi awer keng Mozart-Kopie.

le prophete
Klassik-CD vun der Woch

Dem John Osborn geléngt et mat der Oper "Le Prophète" vum Giacomo Meyerbeer eng beréierend Interpretatioun vum Wiedertäufer-Prophéit Jan de Leiden ze vermëttelen. Een interessante CD-Set vum Live-Optrëtt.

Horizons
Klassik-CD vun der Woch

Den Duebel-CD "Horizons" beschreift eng Rees duerch dem Gabriel Fauré seng Kammermusek. Trotz der Ofwiesslung am 150-Minutte-Programm ass et de Museker gelongen e roude Fuedem duerch Stécker ze zéien.

Programm

Dossieren

  • Chamberwahlen 2018

    De 14. Oktober gëtt eng nei Chamber gewielt. De radio 100,7 bericht iwwer d'Kandidaten an d'Enjeue vun dëse Wahlen.

  • Dateschutz

    De 25. Mee trëtt an der EU en neit Dateschutzreglement a Kraaft. Wat bedeit dat fir d'Bierger an d'Betriber? A wat ännert wierklech? Detailer an eisem Themeschwéierpunkt.

Communiquéen

  • Une nouvelle application mobile « radio 100,7 »

    radio 100,7 vient de lancer sa nouvelle application pour appareils mobiles. L'appli, simple à installer et facile à utiliser, permet d'écouter le programme de la radio 100,7 en direct et en différé en puisant dans la médiathèque de la radio. 

  • Yann Logelin, nouveau chef de la programmation à radio 100,7

    radio 100,7 annonce la nomination de M. Yann Logelin au poste de chef de la programmation. Yann Logelin prendra le relais de M Claude Mangen qui, après 25 ans à ce poste, assumera la direction du Mierscher Kulturhaus à partir du 1er novembre 2018.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen