Schlofzëmmerbléck "Deen een ass deem anere säi Wollef"

De Song vum Bartleby Delicate beliicht de Confinement aus der Siicht vun enger Kaz. Mee am Fong geet et och ëm en verdréitent Verständnis vu Solidaritéit an eng "mauvaise foi" an der Gesellschaft.

Schlofzëmmerbléck Bartleby Delicate

"Joe The Cat 20" dréit ëm d'Kaz vu Frënn vum Georges Goerens, déi hien am Confinement net méi konnt besiche goen, obwuel si no bäi géife wunnen. Hien hätt wéilten d'Verännerung an der Alldeeglechkeet vun engem Dag op deen aneren duerstellen. "Wat gesinn ech, wéi fillen ech mech grad ..."

Et hätt eng Melancholie am Alldag ginn, seet de Georges Goerens. D'Deeg géife versträichen an een Dag géif sech deem anere gläichen. Hien hätt sech virgestallt, wéi eng Kaz dat erlieft, déi guer keen Alldag hätt a keng Verännerung géif gesinn, ausser d'Mënschen, déi méi doheem wieren.

Hie wier awer och op eng "mauvaise foi" an der Gesellschaft opmierksam ginn. "Deen een ass deem anere säi Wollef, all Mënsch spillt Polizist, an dobäi hu mir guer keen Abléck an d'Liewensrealitéite vun den eenzele Mënschen. Wie leit ënner Depressiounen? Wien ass vläicht eng elengerzéiend Mamm mat dräi Kanner an enger klenger Wunneng? An dat am Rapport zu Leit, déi a risegen Haiser wunnen ..."

Et wier net fir jiddwereen d'selwecht einfach fir sech un d'Reegele vum Confinement ze halen, esou de Sänger. Eng ganz absurd Anekdot wieren amerikanesch Milliardäre gewiescht, déi mat hire Yachte geschriwwen hätten "we are all in this together". Dat hätt dat verdréitent Verständnis vu Solidaritéit fir hien op d'Spëtzt gedriwwen.

Hien hätt d'Zäit vum Confinement gebraucht, seet de Georges Goerens. U senge Lidder géif et vill Chantiere ginn, déi Zäit gebraucht hätten. "Ech mengen, ech hätt mir déi Zäit net geholl, wann de Corona net dertëschent komm wier."
Seng Stécker hätte vill méi eng Déift kritt, doduerch datt hien d'Zäit gehat hätt fir mat engem gewësse Recul doriwwer ze goen.

Méi zum Thema

Schlofzëmmerbléck Sensu
Schlofzëmmerbléck

Déi nächst Contributioun an der Serie Schlofzëmmerbléck kënnt vum Sensu. "Subsol" ass en ambienten, elektroneschen Track, deen op seng eegewëlleg Manéier eng Geschicht vun der Fräiheet erzielt.

Claudine Muno Schlofzëmmerbléck
SCHLOFZËMMERBLÉCK

Wann een dobannen eng vulnerabel Persoun wëllt beschützen, wärend dobaussen d'Liewe weidergeet mat Kärcheren an Auto botzen: E Lidd iwwer d'Relativitéit vu Gefor a Misère.

Schlofzëmmerbléck Autumn Sweater
Schlofzëmmerbléck

Lëtzebuerger Museker a Bands schreiwe Lidder aus der Quarantän fir de radio 100,7. Dräimol an der Woch gëtt en neie Song virgestallt. D'Contributioun vun Autumn Sweater heescht "Half of March".

Francis of Delirium Schlofzëmmerbléck
Schlofzëmmerbléck

D'Annulatioun vun alle kulturelle Manifestatiounen huet dozou geféiert, datt vill MusekerInnen eleng doheem sinn. De radio 100,7 huet 13 Lidder an Optrag ginn. Deen éischte Song kënnt vu Francis of Delirium.

Praktesch Infoen

Dossieren

  • Coronavirus

    Den neiaartege Coronavirus Sars-CoV-2 breet sech ëmmer méi aus. De Virus léist d'Krankheet COVID-19 aus. Wéi eng Mesurë gi geholl, a wéi een Impakt huet en op Lëtzebuerg?

  • Gratis ëffentlechen Transport

    Den ëffentlechen Transport zu Lëtzebuerg ass vum 29. Februar u gratis. Dat haten d'Majoritéitsparteien Enn 2018 esou decidéiert. An eisem Dossier fannt Dir all eis Artikelen zum Theema.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen