"Decomposed: The Political Ecology of Music" Den ekologeschen Impakt vum Museklauschteren

Den ekologesche Käschtepunkt vum Museklauschteren ass elo esou héich wéi nach ni, dat geet aus engem rezente Buch vum Kyle Devine ervir. Onlimitéiert Musek zu all Zäit op sengem Smartphone kënnen ze streame wier weder immateriell nach nohalteg.

Jamie Reinert / tt

Nitra, Slovakia, March 24, 2017: Spotify application logo on smartphone
Foto: Bigstock/Pe3check

D'Geschicht vun der opgehollener Musek gëtt dacks als Transitioun vum Materiellen zum Immaterielle beschriwwen. 1900 bis 1950 war d'Zäitalter vun de Shellac-Placken, ier et déi zweet Hallschent vum 20. Joerhonnert Richtung Plastik gaangen ass, a Form vu Vinyl, Kassetten a CD.

Vun 2000 un huet sech dann dat mysteriéist digitaalt Format breetgemaach. Mee Musek ze streamen oder erofzeluede bleift wuel an der physescher Realitéit verankert, esou de kanadesche Musekswëssenschaftler Kyle Devine. Wieren d'digital Fichieren net physesch, da géing sech jo och net den Hard Drive fëllen - de Stockage, d'Verschaffen, d'Verschécke vun dëse Fichieren si schlussendlech vun Energie ofhängeg.

Energie, déi zum groussen Deel net gréng ass. Ob Atom, Waasser oder Kuel, d'Elektrizitéit, déi fir den Internet an déi sëlleg Servere gebraucht gëtt generéiert vill Zäregas-Emissiounen. A sengem Buch "Decomposed: The Political Ecology of Music" huet hie kalkuléiert, datt am Joer 2016 194 Millioune Kilogramm Zäregas duerch streamen a erofluede vu Musek generéiert goufen. Am Joer 2000 waren et 40 Millioune manner, physesch Formater inklusiv.

Kollektiv Aktioune si gefrot

Fir de Musekswëssenschaftler op der Universitéit vun Oslo wier et un der Zäit sech fundamental Froen ze stellen: wëlle mir wierklech een "all-you-can-eat" Buffet vu musikalescher Kultur zu all Moment halen? De Kyle Devine ass sech do net esou sécher.

Um Terrain gëtt aktiv no Alternative gesicht, eis musikalesch Kultur méi nohalteg ze gestalten. Zum Beispill Opnam-Formater, déi manner Ressourcë verbrauchen oder och Museksserveren, déi mat Wäermepompel oder Solarenergie bedriwwe ginn. Alles Mesuren, déi an déi richteg Richtung ginn, mee fir de Kyle Devine misst ee scho méi wäit aushuelen: den ekonomesche System selwer iwwerdenken, deen eis Consommatioun vu Musek dirigéiert:

"Succès gëtt unhand vun Accumulatioun a Wuesstem gemooss an Ongläichheet an Exploitatioun gi gebraucht fir ze funktionéieren. En ekonomesche System, dee verschiddener als Kapitalismus bezeechnen. Ech gleewen net, datt d'Ännerungen, déi mer brauchen duerch individuell Aktioun eleng geléist kënne ginn. Mir brauche kollektiv Aktioune fir den ekonomesche System ze iwwerschaffen an deem mir existéieren."

An der Mediathéik:

Musek Aktuell / / Jamie Reinert
Lauschteren

Méi zum Thema

Hunneg Strëpp
Fënnefvéierel

Hunneg Strëpp interpretéiere bekannte Popsongs op Blosinstrumenter. Well hire Proufsall am Chantier ass, prouwe si momentan an där aler Spillschoul zu Klengbetten.

John Wolter.jpg
Fënnefvéierel

Hien ass Batteur, rappt a produzéiert, spillt Punk mat der Band All The Way Down oder och Reggae bei The Disliked, ass awer och täteg am Hip-Hop-Kollektiv Stayfou. De John Wolter ass nawell musikalesch aktiv.

Koll an Aktioun
Nohaltegkeet am Lëtzebuerger Kultursecteur

Wousst Dir, datt d'Museks- a Kulturzeen grouss Klimakiller sinn? Mee et gëtt Grond zur Hoffnung: Zu Lëtzebuerg engagéiere sech vill Kulturinstitutioune fir Nohaltegkeet a fir ressourcefrëndlech Evenementer.

C'est Karma
Op der Bün an hanner der Bün

Fraequoten an en adequat Verhältnes vun der Geschlechter si scho laang en Theema. Och de Kultursecteur ass nach ëmmer männerdominéiert. Op der Bün an och hannendru gëtt et dacks en Ongläichgewiicht.

Net verpassen

  • BEAUTIFUL DECAY Festival

    Beautiful Decay Festival.jpg

    Vum 28.-29. Mee ass den BEAUTIFUL DECAY Festival am Gréiweschlass zu Käerch. De radio 100,7 ass e Samschdeg den 28.05. live sur place.

Programm

Dossieren

  • Dossier: Relatiounen tëscht Portugal a Lëtzebuerg

    Haut ass et den zweeten a leschten Dag vun der Staatsvisitt a Portugal. Eng grouss Lëtzebuerger Delegatioun ass den Ament zu Lissabon. An eisem Dossier fannt dir all eis Bäiträg an Artikelen iwwer d'Theema.

  • De Krich an der Ukrain

    De 24. Februar 2022 huet Russland d'Ukrain militäresch iwwerfall. Déi westlech Länner hu mat Sanktioune reagéiert, Millioune vu Leit sinn aus der Ukrain geflücht.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen