Newcomer op der Bühn Dës 8 Acts triede beim Screaming Fields op

De Screaming Fields ass dee beschte Moment am Joer, fir den Nowuess am Pop- a Rock-Beräich zu Lëtzebuerg kennenzeléieren. Aacht Nimm sinn dëst Joer op der Affiche. Mir stelle se vir.

Yves Stephany

Screaming-Fields
Foro: Noah Fohl

Adrian

Adrian (Foto: Julien Denis / Createam)

"Staark Emotiounen hëllefen ëmmer fir eppes ze schreiwen", seet den Adrian. "Wann de Mindset richteg ass, setzen ech mech einfach bei de Piano a maachen et." Fir den Adrian-Sound originell ze maachen, hätt hien ëmmer en Cello dobäi. "Ech hunn dat Epescht gär, alles wat extravagant ass."

Adrian


C'est Karma

C'est Karma

C'est Karma huet ugefaange mat Cover-Songs. "Meng Musek geet an d'Richtung Singer-Songwriter, Folk, Pop, ... iergendeppes ..." Awer och Punk an Hip Hop beaflossen d'Karma, wa si Songs schreift. Den DIY-Aspekt läit hir um Häerz. D'Gittarspillen huet si sech gréisstendeels selwer bäibruecht, d'Produktioun vun den Opname geschitt doheem bei hirem Kolleeg Georges Goerens alias Bartleby Delicate.

C'est Karma


Dessy Mesk

Dessy Mesk (Foto: Julien Denis / Createam)

"Mir hu vun alle Bands beim Screaming Fields am mannsten Erfahrung", seet d'Laura Legille, d'Sängerin vun Dessy Mesk. Awer mat hirem eegewëllegen an originelle Songwriting zielt d'Band elo schonn zu den Decouvertë vun dësem Joer. Mac de Marco a King Krule zielen zu den Influenze vum Quartett. Dessy Mesk sangen iwwer Sujeten, déi Teenager interesséieren, sou wéi Léift, erkläre si. Dat géif sech am Beschte verkafen.

Dessy Mesk


Oke

Oke (Foto: Cathy Steffen)

De Khalid Oke huet mat dräi Joer zesumme mat senger Bom an Nigeria an der Kierch ugefaange mat Sangen. Musek wier fir hien awer ëmmer nëmmen en Hobby gewiescht. Eréischt nom Doud vu senger Bom, an nom Succès vun engem Song, deen hie mat der Miss Giorgia Gray opgeholl hat, hätt hien decidéiert, mat der Musek weiderzemaachen. "Meng Stäerkt läit am Soul", seet hien. Da wieren d'Leit ëmmer begeeschtert vu senger Stëmm.

Oke


Pleasing

Pleasing

Eng Band war him ze vill stresseg, dofir huet hien decidéiert, Solokënschtler ze ginn. "Ech weess ganz genee, wat ech wëll." Hie wéilt net, datt een him dra schwätzt. Seng Musek bezeechent de Pleasing als Math-Rock. An e puer Méint wäert de jonke Gittarist op London wunne goen. Vun do aus wëllt hie seng musikalesch Carrière lancéieren. D'Musek vu Pleasing ass kloer op d'Gittar fokusséiert. Gesang gëtt et nëmmen op engem Titel vu sengem éischten EP.

Pleasing


Rat October

Rat October

Rat October ass dëst Joer déi häertste Band beim Screaming Fields. Hir Musek bezeechne si als Alternative Rock, si sinn awer och oppe fir aner Aflëss. Datt d'Affiche stilistesch méi breet gefächert ass, fannen d'Museker gutt. "All Museksgenre zu Lëtzebuerg sollt déi selwecht Chance kréien." Virdru wier de Screaming Fields ëmmer relativ Rock- a Metal-lasteg gewiescht. Dëst Joer nach sollen zwou neie Singele vu Rat October erauskommen.

Rat October


Trappers

Trappers

Obwuel d'Trappers Fans vu Retro-Sound an alen Instrumenter sinn, maache si sech net zou viru modernen Elementer. An hiren Texter géife si gesellschaftlech Konventiounen hannerfroen, seet de Sänger. Zum Beispill beschäftege si sech domat, datt duerch sozial Medien de "Schein" ëmmer méi eng Wichtegkeet kritt, wéi de "Sein".

Trappers


Tyra

Tyra (Foto: Julien Denis / Createam)

"Ech sinn zu 100 Prozent an der Musek", seet d'Tyra. Zu Lëtzebuerg géif et keng Zeen fir Pop an EDM ginn, dofir wier et komplizéiert fir eng Carrière ze lancéieren. D'Sängerin huet Etüden am Beräich vun der Musek gemaach. Trotzdeem ass si der Meenung, datt si beim Screaming Fields nach villes ka léieren. Enn vum Joer bréngt d'Tyra eng nei Single eraus, an 2020 soll en Album kommen. Um Screaming Fields wäert si nach mat Backing Tracks optrieden, duerno wäert ee si mat hirer neier Band kënnen erliewen.

Tyra


Méi zum Thema

Bodega
Bodega - Endless Scroll

Neien, danzbare Post Punk vu Brooklyn, mat schaarfe Gittaren a schaarfen Zongen. "Endless Scroll" vun der New-Yorker Band Bodega kënnt onscheinbar dohier. Mee wann ee sech drop aléist, péckt en een.

Illustratioun Quattropole
Prix de musique Quattropole

Den Zesummeschloss vun de Stied, Quattropole, vergëtt d'nächst Joer en neie Präis, deen och Lëtzebuerger Museker opsteet. De Marc Clement am Gespréich mam Responsabele fir déi Lëtzebuerger Selektioun.

Courtney Barnett
Courtney Barnett

D'Courtney Barnett ass eng engagéiert Sängerin. Aus onscheinbare Situatioune spënnt si Geschichten, déi vill aussoen iwwer d'Mënschen an d'Gesellschaft, awer och iwwer si selwer. Ee Gespréich.

Thundercat
E besonnesche Museker

De Stephen Bruner schaaft mat sengem verspillte Bass-Sound a liichte Falsetto faarweg Lidder, déi sech u 70er an 80er R&B, Jazz-Fusion a Funk inspiréieren. Seng Devis ass, ëmmer en oppent Ouer ze halen.

Programm

Dossieren

  • Chamberwahlen 2018

    De 14. Oktober gëtt eng nei Chamber gewielt. De radio 100,7 bericht iwwer d'Kandidaten an d'Enjeue vun dëse Wahlen.

  • Dateschutz

    De 25. Mee trëtt an der EU en neit Dateschutzreglement a Kraaft. Wat bedeit dat fir d'Bierger an d'Betriber? A wat ännert wierklech? Detailer an eisem Themeschwéierpunkt.

Communiquéen

  • Une nouvelle application mobile « radio 100,7 »

    radio 100,7 vient de lancer sa nouvelle application pour appareils mobiles. L'appli, simple à installer et facile à utiliser, permet d'écouter le programme de la radio 100,7 en direct et en différé en puisant dans la médiathèque de la radio. 

  • Yann Logelin, nouveau chef de la programmation à radio 100,7

    radio 100,7 annonce la nomination de M. Yann Logelin au poste de chef de la programmation. Yann Logelin prendra le relais de M Claude Mangen qui, après 25 ans à ce poste, assumera la direction du Mierscher Kulturhaus à partir du 1er novembre 2018.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen