Komponist vum Mount 175. Gebuertsdag: Edvard Grieg, buedemstänneg a weltgewand

Edvard Grieg
Edvard Grieg

Buedemstänneg a weltgewand - wéinst dësen zwou Eegenschafte veréieren d'Norweger och nach haut hiren Nationalkomponist, den Edvard Grieg. De Museker mam charakteristesche grousse Schnurres an der Einstein ähnlecher Frisur, war mat Spillleit ënnerwee, souz a Juryen vu Concoursen vu Volleksmusek, huet awer och mat deene groussen däitsche Romantiker korrespondéiert.

Ganz vill Norwegen an een décke Schotz Robert Schumann - dat ass dem Edvard Grieg seng Musek. D'Melodien aus "Peer Gynt", säi populäre Pianosconcerto - virun allem awer seng sëlleche Volleksweise kennt nach haut all Norweger.

Entstanen ass de Gros vum Grieg senger Musek an der Villa Troldhaugen - um Bierg vun den Trollen. Et brauch een net vill Fantasie, fir sech virzestellen, wéi an dësem traditionellen Holzhaus matten an der Natur an net wäit vum Mier esou onstierflech Melodien wéi "Morgenstimmung" entstoe konnten.

Mee all seng schéi Musek huet fir den Edvard Grieg net vill gegolle am Verglach mat Troldhaugen, dat de Komponist als säi gréisst Wierk consideréiert huet. A grad do gëtt haut - um Grieg sengem 175. Gebuertsdag - dee gréisste Grieg-Concert ever organiséiert - mat sämtleche Wierker vun Opus 1 bis Opus 74. Happy Birthday Edvard Grieg.

Méi zum Thema

Edvard Grieg
Komponist vum Mount

D'Perceptioun vum Komponist Edvard Grieg ass an eise Géigende ganz anescht, wéi a senger norwegescher Heemecht. Bei eis ass de Grieg Synonym vum populäre Pianosconcerto, an Norwegen ass dat manner wichteg.

Franz Schubert - Große Symphonie in C-Dur
Klassik-CD vun der Woch

Et muss ee schonn eppes unzebidden hunn, wann een dem Franz Schubert seng "Große C-Dur-Symphonie" nei ophëlt. Dem Enoch zu Guttenberg seng spannend Lecture geheit vill Lauschtergewunnechte komplett op d'Kopp.

Programm

Dossieren

  • Lëtzebuerg entdecken

    De Summer ass normalerweis déi Zäit, an där de Lëtzebuerger an d'Vakanz fiert. Mee net nëmmen am Ausland gëtt et vill ze entdecken, och hei am Land ginn et vill schéin Ausfluchsziler.

  • Verfassungsreform

    D'Verfassung vun 1868 soll duerch eng nei Verfassung ersat ginn. 2009 gouf dëse Reformprozess formell lancéiert an nach ass d'Aarbecht net ofgeschloss. Et ass nach e Referendum iwwer den neien Text geplangt.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen