De Maurice Clement ass den Titularorganist vun der Philharmonie, spillt op der Uergel zu Dikrech an der Kierch an ass Prof fir Uergel, Harmonisatioun an Improvisatioun am Conservatoire du Nord. Säin éischt Instrument war awer de Piano, en Instrument dat hien als Kand wéi e Spillgezei betruecht huet. Mëttlerweil beschreift de Maurice Clement de Piano als Verlängerung vu senger Séil. An der Emissioun Wäiss a Schwaarz spillt de Maurice Clement a senger Roll als Pianist an Improvisator um Piano am Studio 8 vum radio 100,7.
Merci u Pianos Kleber fir d'Instrument.
Am Interview mam Luc Boentges verréit de Maurice Clement op wat seng Improvisatioune baséieren, wéi wichteg de Bols fir hien ass a wéi hien de Museksunterrecht zu Lëtzebuerg aschätzt.