Klassik-CD vun der Woch Eng kleng Mass grouss interpretéiert

Op der Affiche vun der neier CD vum Philharmoneschen Orchester Lëtzebuerg ënner sengem Chefdirigent Gustavo Gimeno steet dem Gioacchino Rossini seng Petite Messe Solennelle. Trotz dem Rossini senger Virléift fir de Genre vun der Oper an der grousser Besetzung vun engem Orchester, engem Chouer, véier Solisten an enger Uergel fënnt de Gustavo Gimeno eng Perfekt Balance tëschent de Genren Oper a Mass.

Luc Boentges / Guy Engels

Rossini-CD vun der Woch
Interpretatioun:
Klanqualitéit:

Interpreten:
Eleonora Buratto, Sopran
Sara Mingardo, Mezzo-Sopran
Kenneth Tarver, Tenor
Luca Pisaroni, Bass
Tobias Berndt, Uergel
Wiener Singakademie
Philharmoneschen Orchester Lëtzebuerg
Gustavo Gimeno, Direktioun

Wierk:
Gioacchino Rossini (1792-1868): Petite Messe solennelle


An der Petite Messe Solennelle stécht de Rossini-typeschen theatralesche Geste kloer ervir. D'Schwieregkeet läit fir den Interpret doran, och dem Genre vun der Mass mat sengem sakralen Inhalt gerecht ze ginn, ouni och op dëser Säit an en Extrem ze verfalen. Am Gustavo Gimeno senger Interpretatioun komme béid Säiten däitlech ervir. Direkt mat den éischten Noute vum Wierk weist hien, wéi eescht hien de sakralen Hannergrond hëlt. Ganz am Géigendeel zu villen aneren Interpretatioune wielt hien en immens luesen Tempo. D'Spannung erhält hien trotz dem Tempo iwwer d'Phraséierung am Orchester oprecht.

Wéi an enger anerer Welt fillt ee sech spéitstens no 14 Minutte beim "Domine Deus". Hei gëtt ee quasi an eng italienesch Oper versat. Dëst geléngt dem Gustavo Gimeno ouni Broch tëschent deene verschiddene Sätz, esou datt d'Kontinuitéit garantéiert ass.

D'Solisten formen en homogenen Ensembel

Déi véier Solisten Eleonora Buratto, Sara Mingardo, Kenneth Traver a Luca Pisaroni si stëmmlech gutt openeen ofgestëmmt. An och si fanne generell eng gutt Balance tëschent dem Sakralen an dem Genre vun der Oper. Virun allem iwwerzeegen déi zwou Sängerinnen am Qui tollis peccata mundi (Gloria), wou si, vun der Harf begleet am Duo sangen an eng wonnerschéin Atmosphär entstoe loossen. Deen eenzegen, dee liicht aus der Rei fält ass den Tenor Kenneth Tarver. Hie beweegt sech méi am Charakter vun der Oper.

En authentescht Klangbild

Aus der Opnam héiert ee ganz däitlech d'Opstellung vun der Museker op der Bühn eraus. Ganz vir sinn déi véier Solisten, an der Mëtt ass den Orchester an hannendrun de Chouer. Allerdéngs huet dëst authentescht Klangbild den Nodeel, datt de Chouer par Rapport zu deenen aneren Acteuren u Präsenz verléiert. Dëst fält virun allem op, wann sech Chouer- mat Solopassagen ofwiesselen. An och generell kéint d'Opnam eng Portioun méi Däitlechkeet verdroen. Deelweis huet een d'Gefill d'Musek duerch e Schleier ze héieren.

Méi zum Thema

Amanda Kleinbart
D'Cornistin Amanda Kleinbart

Op Virschlag vum fréieren Direkter vum radio 100,7, dem Fernand Weides, krut d'Cornistin Amanda Kleinbart 2008 den IKB Jugend-Förderpreis. Haut ass si Member vun der NDR-Elbphilharmonie a spillt am Acelga-Quintett.

Bach in the Subways
Resonanzen-Special

Aus enger spontaner Aktioun vum Cellist Dale Handerson huet sech 2010 d'Initiativ Bach in the Subways entwéckelt. Antëschent sinn och Lëtzebuerg an de radio 100,7 vum Bach-Virus ugestach.

Programm

Dossieren

  • Leipziger Buchmesse 2019

    D'Valerija Berdi an de Michel Delage waren dëst Joer fir de radio 100,7 op der Leipziger Buchmesse. All hier Artikelen a Bäitrag zum Thema fannt Dir hei.

  • Europawahlen 2019

    Vum 23. bis de 26. Mee gëtt an der EU en neit Europaparlament gewielt. Zu Lëtzebuerg gëtt Sonndes, de 26. Mee gewielt. De radio 100,7 bericht iwwer d'Kandidaten an d'Enjeue vun dëse Wahlen.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • Offre d'emploi: 1 journaliste (m/f)

    L'Établissement de Radiodiffusion Socioculturelle, opérateur de la radio de service public radio 100,7, recherche pour ses rédactions un(e) journaliste

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen