Klassik-CD vun der Woch Eng Live-Opnam, déi et a sech huet

Op sengem aktuellen Disk proposéiert de Kirill Gerstein zwee vun deene gréisste Wierker vum George Gershwin an enger Live-Opnam: D'"Rhapsody in Blue" an de "Pianosconcerto a Fa Majeur". Zesumme mam St. Louis Symphony Orchestra ënner der Direktioun vum David Robertson huet hien d'Stécker an der Powell Hall zu St. Louis opgeholl.

Luc Boentges

CD vun der Woch - Gerstein

Label: Myrios Classics

Interpreten: Kirill Gerstein (Piano), St. Louis Symphony Orchestra, David Robertson (Dir.)

Wierker: Rhapsody in Blue an de Concerto fir Piano vum George Gershwin

Interpretatioun:
Klang:

Dem George Gershwin ass kompositoresch eppes gelongen, wat bei Ville plakativ kléngt. Hien huet déi verschidde Charakteristika vun Jazz a Klassik zu engem Ganze vermëscht. Weder ass ze vill, nach ze wéineg vun engem Stil vertrueden. Datt seng Wierker kompositoresch Sënn maachen, heescht awer net, datt d'Interpreten et dofir einfach hunn. Och déi musse sech ëmmer nees d'Froe stellen: Wéi jazzy spillen ech déi méi klassesch Passagen? Wéi klassesch spillen ech d'Jazzdeeler? Nëmmen ze liicht géif een dem Gershwin seng Musek "verjazzen", schreift de Kirill Gerstein am Booklet.

"Ich brauchte einige Zeit, um meinen Weg zu finden - es ist eine so schwer zu fassende stilistische Mischung, Sekunde um Sekunde."

Eng Interpretatioun, déi een net méi lass léisst

Dës Mëschung ass dem Kirill Gerstein esou gutt gelongen, datt ee vun der Opnam gefesselt gëtt. Permanent wiesselt hien - deelweis mat haarden, deelweis mat fléissenden Iwwergäng - tëschent deene verschiddene Stiler hin an hier. Fir den Nolauschterer huet dat den Effekt vun der permanenter Spannung. Et weess een ni, wat kënnt, an dofir bleift ee mat der Opmierksamkeet déi ganzen Zäit beim Solist.

En natierleche Klang

Duerch dës Präsenz vum Solist kënnt de Live-Charakter vun der Opnam immens beim Nolauschterer un. Dozou dréit och de Klang bäi. De Solist ass däitlech erauszehéieren, ouni awer, datt en den Orchester géif iwwerstëmmen. Insgesamt héiert sech den Disk ganz natierlech un, bal esou, wéi wann ee selwer am Concertssall géif sëtzen.

Eng Explosioun vun Nouten

Gläichzäiteg ass de Klang vum Disk immens propper. Dëst geet Hand an Hand mam Kirill Gerstein sengem präzise Spill. All Nout héiert een däitlech eraus. Déi virtuos Passagen kommen engem doduercher vir, wéi eng Explosioun un Nouten. Net ëmsoss ass um CD-Cover de King Kong ze gesinn, deen um Empire State Building mat Noute ronderëm sech werft.

An der Mediathéik:

Klassik aktuell / / Guy Engels
Lauschteren

Méi zum Thema

E Wilhelm Steinberg Piano
25 Joer 100,7

De radio 100,7 krut e Piano. Den 30. September gëtt e mat zwee Live-Concerten ageweit. Mir ware beim Transport vum Instrument vu Pianos Kleber dobäi an hunn eis de Piano erkläre gelooss.

Alfonso Salgueiro Lora
Hanner de Kulissen

Gedold hunn, schaarf stellen, an an am richtegen Ament op den Ausléiser drécken: Mat senge Fotoe veréiwegt den Alfonso Salgueiro net nëmmen d'Situatiounen op der Bühn, mee och d'Musek selwer.

CD Woch Lewis
Klassik-CD vun der Woch

Net brav an analytesch, mee mat vill Energie an engem zum Deel knaschtege Sound interpretéiert d'Bjørg Lewis dem Johann Sebastian Bach seng Cello-Suitten. Eng modern Interpretatioun vun aler Musek.

Sir Simon Rattle
Klassik aktuell

Schonn 2003 ass déi éischt Sinfonien Integrale vum Beethoven mam Rattle erauskomm. 2016 koum déi zweet, déi elo technesch nei verschafft gouf. D'Opnamen hu Referenzcharakter, mee wäerten net jiddweree begeeschteren.

Programm

  • Notturno

  • On air

    Notturno

  • Virum Dag

  • Moies-Magazin

  • Iwwer Mëtteg

Dossieren

  • 76. Filmfestival zu Venedeg

    Zu Venedeg ass déi 76. Editioun vum Filmfestival. Den Tom Dockal ass fir de radio 100,7 op der Plaz. All Dag pickt hie sech ee Film eraus, fir deen da méi genee ënner d'Lupp ze huelen.

  • Lëtzebuerg entdecken

    De Summer ass normalerweis déi Zäit, an där de Lëtzebuerger an d'Vakanz fiert. Mee net nëmmen am Ausland gëtt et vill ze entdecken, och hei am Land ginn et vill schéin Ausfluchsziler.

Net verpassen

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen