James Blake - Assume Form Eng sophistiquéiert Pop-Plack

Eng Kräizung aus softem Love-Soul a barocke Brocken zitt den Nolauschterer a säi Bann. Dem britesche Sänger an Dubstep-Produzent seng neiste Plack "Assume Form" ass dem Marc Clement säin Album vun der Woch.

Marc Clement / cbi

Blake.jpg
Blake - Assume Form

Déi fantastesch Verbindung tëscht Stëmm a Piano um Titeltrack "Assume Form" weist de Blake an héijer form, wéi hie seng eege Stëmm a seng musikalesch Eegenaarten éischter verdéift, wéi auszedeenen. D'Resultat ass deementspriechend manieréiert.

D'Auswiel vun de Samples ass mat sangenden afrikanesche Kanner op jiddwer Fall vill méi frëndlech ausgesicht, wéi op dem grimmege Virgängeralbum.

Während déi viregt Plack, "The Colour in Anything", plazeweis klaustrophobesch bedrécke konnt, sinn déi tropesch Allusiounen op "Barefoot in the Park" zum Beispill dogéint e perfekt Géigegëft. Déi nei sënnlech Säit um James Blake drift heiansdo e bësse wäit an d'Gefällegkeet, mee et ass d'Musek, déi hir eege Welt unzebidden huet a vill Faarf an hir Arrangementer bréngt.

Op "Are You in Love" fënnt eng Soulballad vun aler a sentimentaler Faktur nei Frënn a Form vun engem onkoherenten Uergelbass an engem iwwerraschend direkte Synthi, spéider komme gesampelt Klarinetten an e ganzen Zinglabumm u Chouerstëmmen a Sträicher. Ganz schéi gemaach.

"I'll Come Too", nach eemol eng Soul-Ballad mat ironesch-elektroneschem Traitement stellt ee vun deene villen Zoustänn vum Verléiftsinn duer, déi den Album wéi e Fächer presentéiert. Op där enger Säit vun dësem Fächer waart och eng gutt Portioun Kitsch, mam Virdeel, datt bei deene kalen Temperaturen dobaussen eng Aart Fräijoersstëmmung aus dëser Plack erausstréimt.

"Assume Form" ass deemno eng sophistiquéiert Pop-Plack, déi d'Ouer erausfuerdert, ouni ze ermidden.

An der Mediathéik:

Album vun der Woch / /
Lauschteren

Méi zum Thema

Sebastian Thiltges
Literaturwëssenschaft

Dëse Weekend organiséiert d'SLLGC eng Colloque iwwer vergläichend Literaturwëssenschaften. Thema am Mierscher Servais-Haus: "Epistémè de la littérature comparée". E Gespréich mam President vun der SLLGC.

De John McCrea vu Cake
CAKE

Cake erkennt een och no zwee Joerzéngt ënner Honnerten erëm, wéi hir nei Single "Sinking Ship" beweist. E Freideg spille si virun engem ausverkaaften Atelier. E Gespréich mam Sänger John McCrea.

sharon-van-etten.jpg
Sharon Van Etten - Remind Me Tomorrow

"Erënner mech muer drun", dës Opfuerderung schreift ee Leit zou, déi hir Prioritéite kloer definéiert hunn. D'Singer- a Songwriterin Sharon Van Etten huet dës Ausso als Titel fir hire 5. Album gewielt.

Pickle Darling - Bigness
Pickle Darling - Bigness

Gittarmusek vun do ënne riets op der Weltkaart: ëmmer nees gäre wëllkomm. Mee net nëmme Gittarmusek. Pickle Darling aus dem neuseelännesche Christchurch versprécht eppes Grousses.

Programm

Net verpassen

  • Suicidegefor am Alter: En Tabuthema

    Suicidegefor am Alter

    Persounen iwwer 75 Joer si besonnesch ufälleg fir sech d'Liewen ze huelen. Eng rezent Campagne fir "Suicidepreventioun am Alter" weist, datt Seniore sech dräi bis véier Mol méi dacks suicidéiere wéi Jonker ënner 25 Joer. E puer vun de Grënn si sozial Isolatioun, Solitude oder Depressiounen.

Dossieren

  • Google-Datenzenter

    Google wëllt op Lëtzebuerg kommen: op engem Feld zu Biisse wëllt déi amerikanesch Internetentreprise en Datenzenter bauen. Kritik gëtt et ënner anerem um méigleche Waasser- a Stroumverbrauch.

  • Mäin Europa

    Europa ass e feste Bestanddeel am Alldag vu senge Bierger. Mee mécht sech d'EU am deegleche Liewe vun den Europäer bemierkbar? Wat bréngt d'Europäesch Unioun senge Bierger? Mir weise konkret Beispiller.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen