Orchestre de Chambre du Luxembourg Florian Krumpöck net méi Chefdirigent

Concerte mat Gaaschtdirigenten, Pressekonferenzen, déi ëmmer verréckelt goufen, keng Informatiounen iwwer de Programm vun der neier Saison an de Brochurë vun de grousse Concertshaiser: Et huet an deene leschte Woche rumouert beim Orchestre de Chambre du Luxembourg, an elo ass et offiziell: De Florian Krumpöck ass net méi Chefdirigent an de Jean Muller net méi Directeur artistique.

Guy Engels

Florian Krumpöck
Fir de Florian Krumpöck ass no enger Saison Schluss beim OCL

Atmosphäresch Stéierungen

D'Ursaach fir dëse Remaniement beim Orchestre de Chambre du Luxembourg sinn Onstëmmegkeeten tëschent de Museker an hirem Chefdirigent gewiescht.

Am Mee 2017 hat de Florian Krumpöck d'Successioun vum David Reiland iwwerholl a sollt am Fong fënnef Joer bleiwen. Op der Antenn vum radio 100,7 huet deen däitsche Pianist an Dirigent sech op déi nei Aufgab gefreet, an nach am Januar hat hien ee positive Fazit vu sengen éischte Méint beim Orchester gezunn.

Neie Chef a spéitstens zwee Joer

D'Saison 2018/2019 geet mat Gaaschtdirigenten iwwer d'Bühn. Den Orchestre de Chambre du Luxembourg gëtt sech zwee Joer Zäit, fir sech un der Spëtzt nei opzestelle - sief et mat engem Chefdirigent, deen och d'Funktioun vum Directeur artistique iwwerhëlt, sief et, datt béi Funktiounen erëm separat besat ginn.

Iwwerdeems gouf et och am Verwaltungsrot vum Orchester Wiesselen: Dominique Escande an de Carl Adalsteinsson ersetzen den Adrien Jung an de Paul Meyers. Dominique Poppe an de Claude Origer kommen als Vertrieder vun de Museker an de Verwaltungsrot.

Programm

Net verpassen

  • Offre d'emploi: 1 responsable ressources humaines (m/f)

    HR Human Resources

    L'Etablissement de Radiodiffusion Socioculturelle recherche 1 responsable ressources humaines (m/f) sous contrat à durée déterminée en vue du remplacement d'un congé de maternité et d'un congé parental à temps plein.

Dossieren

  • CinEast-Festival 2020

    De CinEast-Festival weist eng Selektioun vu mëttel- an osteuropäesche Filmer. Déi 13. Editioun ass wéinst der Covid-Pandemie eng hybrid: d'Filmer gi souwuel um groussen Ecran wéi och online gewisen.

  • AutorInne-Lies

    D'Publikatioun PM 19 10 huet d'Valerija Berdi inspiréiert fir déi akustesch Athmospär fir d'Buch ze liwweren. Hatt huet sech dofir op de Wee gemaacht an eng ganz Rei Andréck bei Autorinnen an Auteuren doheem akustesch agefaangen.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen