Europäesche Präis fir Popmusek Francis Of Delirium nominéiert fir Music Moves Europe Awards

D'Rockband ass déi éischt Lëtzebuerger Formatioun déi fir de Präis nominéiert ass. Si kënne bis zu 15.000€ gewannen. De Präis vun der EU Komissioun ënnerstëtzt jonk Talenter fir hir Karriär opzebauen.

Yves Stephany

Francis Of Delirium
Foto: Lynn Theisen

D'Rockband Francis Of Delirium ass nominéiert fir d'Music Moves Europe Awards 2022. Et ass fir d'éischte Kéier, datt Lëtzebuerg bei dësem Präis vertrueden ass.

"Et deet richteg gutt, déi Unerkennung ze kréien, fir déi Musek déi mir elo an de leschten zwee Joer gemaach hunn", seet d'Sängeirn Jana Bahrich. "Ech hoffen, datt dat bedeit, datt mir nach ganz laang domat kënne weidermaachen, an datt et eis geléngt fir méi eng staark Community opzebauen - zu Lëtzebuerg an dobaussen."

Der Jana Bahrich hiren ultimativen Dram: "Datt Lëtzebuerg dat nächst Island gëtt, bei allem wat mat Musek ze doen huet."

Wat ass dat fir e Präis?

Ënner de 15 Nominéierte wielt e Jury fënnef Gewënner aus, déi all Kéiers 10.000€ kréien. Den Haaptgewënner kritt zousätzlech nach 5.000€ Hëllef fir eng Tournée z'organiséieren. De Präis gëtt all Joer am Kader vum Eurosonic Festival iwwerreecht. Francis Of Delirium wäert den 20. Januar op Invitatioun vum radio 100,7 bei deem Festival optrieden.

D'Music Moves Europe Awards sinn e Präis vun der Europäescher Kommissioun fir populär Musek an zäitgenëssesch Musek. Et solle jonk Kënschtler dobäi ënnerstëtzt ginn, eng international Karriär opzebauen.

Zu de fréiere Gewënner vum Music Moves Europe Award gehéieren Artistinnen an Artiste wéi Stromae, Adele, Mumford & Sons, Dua Lipa a Rosalía.

Méi zum Thema

Luc Spada
Ciao Luca - Zesummen an der Musek

De Luc Spada kennt een normalerweis als Mann vun de Wieder. Mat véier Singles huet hien elo säin éischte Museksprojet lancéiert. "Ciao Luca" ass eng Sammlung vu Lidder, déi mam däitsche Kënschtler Angela Aux zesummen opgeholl gouf.

John Wolter.jpg
Fënnefvéierel

Hien ass Batteur, rappt a produzéiert, spillt Punk mat der Band All The Way Down oder och Reggae bei The Disliked, ass awer och täteg am Hip-Hop-Kollektiv Stayfou. De John Wolter ass nawell musikalesch aktiv.

Francis Of Delirium Aircheck Session
Internationale Showcase Festival

De radio 100,7 huet d'Rockband op de renomméierte Showcase-Festival Eurosonic invitéiert. Fir d'Band kéint den Event e Sprangbriet sinn, fir hir Karriär op internationalem Niveau ze lancéieren.

Francis-of-Delirium - Orchestral Session
Congés Annulés

Der Jana Bahrich hir Grunge-Emo-Stécker kréien e Samschdeg an de Rotonden geschmeideg harmonesch Ënnerstëtzung. Sträicher, Vibraphon a Bléiser blose frësche Wand an hir intim Kompositiounen.

 

Programm

  • Noriichten

  • On air

    Resonanzen

  • Am Nomëtteg vun 3 bis 6

  • Panorama

  • Tockcity

Dossieren

  • Klimakonferenz zu Glasgow

    Déi gréissten Weltklimakonferenz zanter Paräis fënnt tëscht dem 31. Oktober an 12. November zu Glasgow statt. Fir eis op der Plaz ass eise Korrespondent Philip Crowther.

  • Verfassungsreform

    D'Verfassung vun 1868 soll duerch eng nei Verfassung ersat ginn. 2009 gouf dëse Reformprozess formell lancéiert an nach ass d'Aarbecht net ofgeschloss. Et ass nach e Referendum iwwer den neien Text geplangt.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen