Klassik-CD vun der Woch Geschichte fir Harf a Piano

Wann eng Harf mat sengem Cousin dem Piano als Duopartner optrëtt, da kann ee sech e faszinante klengen Orchesterklang erwaarden. Den Duo Praxedis, eng Harfenistin an eng Pianistin, huet en neien Disk erausbruecht.

Manuel Ribeiro

Duo Praxedis
Interpretatioun:
Klangqualitéit:

Interpret: Duo Praxedis
Praxedis Hug-Rütti, Harf
Praxedis Geneviève Hug, Piano

Wierker: Original Operebeaarbechtunge fir Harf a Piano vum Charles Oberthür, Theodore Labarre, Henry Steil, Sophie-Lucille Larmande des Argus, François-Joseph Naderman an Aneren.

Label: Ars Produktioun - 2 CD - ARS 38 546


En Duo Mamm-Duechter

Schonn 2015 hat den Duo Praxedis en Disk erausbruecht mat Beaarbechtunge vum Rimsky-Korsakov senger "Shéhérazade". Speziell un dësem Schwäizer Duo ass, datt Mamm Praxedis Hug-Rütti op der Harf an Duechter Praxedis Geneviève Hug um Piano zesummespillen.

Operebeaarbechtunge fir Harf a Piano

U sech ass d'Iddi net ganz originell, well schonn am 18. an am 19. Joerhonnert dacks Transkriptiounen, Variatiounen oder nach Paraphrasen aus bekannten oder méi onbekannten Operentheme fir divers Instrumentebesetzunge gemaach goufen.

D'Harf an de Piano ginn awer net dacks zesummebruecht, wat dësen Duo Praxedis ëmsou méi interessant mécht. Déi zwee Instrumenter passe klanglech fantastesch beieneen.

D'Komponisten op dësem Disk sinn exzeptionell, well si haut zum Deel vergiess sinn: Charles Oberthür, Henry Steil, Theodor Labarre oder nach Benedetto Negri an anerer. Vill vun deene Museker waren am 18. oder 19. Joerhonnert Harf-Virtuosen an hu fir hiert Instrument entweder Originelles kreéiert oder bekannte Melodië fir Harf a Piano zesummegestallt.

D'Melodien, déi den Duo proposéiert, si bekannt: Duett iwwer Themen aus "Sonnambula" vum Bellini, den Terzett "Zitti Zitti, Piano Piano" aus dem Rossini sengem "Barbier de Séville", d'Ouverture aus där selwechter Oper, Variatiounen aus dem Mozart senger populärer "Figaros Hochzeit".

Interessant sinn och e bësse méi vergiesse Wierker, déi vill Charme ausstralen, wéi d'Fantasie iwwer Motive vu "Marie" vum Ferdinand Hérold, déi een entdecke kann. Aner Melodien op dësem duebelen Disk, aus "La gazza ladra" oder "La favorite", sinn net onbedéngt onerwaart, mee passe perfekt zum Programm.

Fazit

En Disk ronderëm Harf a Piano vu Komponisten, déi Bekanntes aus den Opere vu Mozart bis an de Bel Canto arrangéiert, respektiv ronderëm fantaséiert hunn.

A voller verdreemter Fantasie erkléngt den duebelen Album vun der Mamm an hirer Duechter mat duusse Kläng vun engem Piano, deen d'Harf net iwwerdeckt. Ganz am Géigendeel: déi zwee Instrumenter funktionéieren a Symbios a passe klanglech perfekt zoueneen. Och kompositoresch sinn déi zwee Instrumenter gläichberechtegt, eng wichteg Viraussetzung, déi déi wou Dammen och respektéieren. Mat vill Virtuositéit, Lyrismus a Präzisioun suergt dësen duebelen Disk fir zwou agreabel Museksstonnen.

An der Mediathéik:

Lauschteren

Méi zum Thema

Anton Bruckner - Symphony No. 8 in C Minor
Klassik-CD vun der Woch

Mat der Opnam vum Anton Bruckner senger 8. Symphonie, zesumme mam Royal Danish Orchestra, kënnt den Dirigent Hartmut Haenchen no bal 20 Joer erëm bei de grousse Spéitromantiker.

Johannes Brahms - Intégrale des trios pour piano et cordes
Klassik-CD vun der Woch

Siwe Joer no hirem fréien Doud kommen déi lescht Opname mat der Cellistin Françoise Groben eraus: Eng Intégrale vun de Sträichertrioe vum Johannes Brahms. E vibranten Hommage un eng grouss Musekerin.

Programm

Dossieren

  • Verfassungsreform

    D'Verfassung vun 1868 soll duerch eng nei Verfassung ersat ginn. 2009 gouf dëse Reformprozess formell lancéiert an nach ass d'Aarbecht net ofgeschloss. Et ass nach e Referendum iwwer den neien Text geplangt.

  • Literaturfestival "étonnants voyageurs"

    Iwwer de Päischtweekend stoung d'Literatur aus der ganzer Welt, awer och de Film an d'Ausstellungen am Mëttelpunkt an der klenger bretonescher Festungsstiedche Saint Malo.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen