CD-Tipp Grëffege Beethoven

Um Sunwook Kim senger neier CD mat de Sonaten Nr 21 op. 53 „Waldstein“ an Nr 29 op. 106 „Hammerklavier“ ass vill vum Beethoven sengem onrouege Charakter ze spieren. Plazeweis titanesk an dämonesch, gréisstendeels ausgeglachen.

Kim.jpg

Op ville Portraite vum Ludwig van Beethoven gesäit een de Komponist mat enger däischterer, granzeger, rebellescher Minn. Ee Museker, deen et am Liewen net einfach hat, deen a stänneger Oppositioun mam Schicksal war, dat ëm säi wichtegst Instrument geholl hat: d’Gehéier.

Wann een de Pianist Sunwook Kim héiert Beethoven spillen, da kommen engem op der Dot all déi Associatiounen an d’Kopp. Op senger neier CD mat de Sonate Nr 21 op. 53 „Waldstein“ an Nr 29 op. 106 „Hammerklavier“ ass vill vum Beethoven sengem onrouege Charakter ze spieren. Un Erfahrung mat Beethoven fehlt et dem Museker net. En huet scho mat sengem Landsmann Myung-Whun Chung de 5. Concerto fir Deutsche Grammophon opgeholl.

Plazeweis titanesk an dämonesch, am grousse Ganzen ausgeglach

Am Alter vun 18 Joer hat de Koreaner d‘Leeds International Piano Competition gewonnen. Zënter 2006 ass hien op de grousse Concertsbühnen ënnerwee. Néng Joer huet et awer gedauert, éier de Kim sech un dem Beethoven seng Sonate gewot huet. Eng gutt Decisioun!

Esou gutt d‘“Waldstein“-Sonate wéi och déi komplex „Hammerklavier“-Sonate stieche voller Energie, voller Vitalitéit, voller Leidenschaft. Déi verkniwwelt a komplizéiert Fuge spillt de Sunwook Kim ganz transparent, kloer a präzis. An och wann d’Musek plazeweis titanesk an dämonesch Dimensioune kritt, gëtt een ni dervun erschloen oder iwwerrannt. De Sunwook Kim fënnt ëmmer eng gutt Balance tëscht de faustesche Sequenzen an de lyresche Passagen, wou d’Musek eenzock ganz intim, reng a sensibel gëtt.

Sunwook Kim. Beethoven Piano Sonatas, Accentus, ACC30355

Programm

  • Notturno

  • On air

    Virum Dag

    • Panorama

  • Moies-Magazin

  • Iwwer Mëtteg

  • Resonanzen

Dossieren

  • Lëtzebuerg entdecken

    De Summer ass normalerweis déi Zäit, an där de Lëtzebuerger an d'Vakanz fiert. Mee net nëmmen am Ausland gëtt et vill ze entdecken, och hei am Land ginn et vill schéin Ausfluchsziler.

  • Verfassungsreform

    D'Verfassung vun 1868 soll duerch eng nei Verfassung ersat ginn. 2009 gouf dëse Reformprozess formell lancéiert an nach ass d'Aarbecht net ofgeschloss. Et ass nach e Referendum iwwer den neien Text geplangt.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen