Nei Emissioun Trendscheif Kee musikalesche Brach

Bei Trendscheif setzt Dir Iech kritesch mat neie Verëffentlechungen ausenaner. Wat ass genee d'Zil vun Ärer neier Emissioun?

J.R. an Y.S.: Mir fannen, datt vill interessant nei Musek op de Marché kënnt, hunn allerdéngs festgestallt, datt relativ wéineg doriwwer dis- kutéiert gëtt. Eiser Meenung no ass et wichteg, e kriteschen Discours iwwer Musek ze féieren, fir Relevantes vu Belanglosem z'ënnerscheeden. Fir en nahrhaften Debat kënnen ze féieren, an och iwwer eisen eegenen Horizont eraus- zekucken, wäerte mir reegelméisseg Invitéen an der Sendung hunn. Zum Beispill Museks- journaliste vun anere Medien oder Kënschtler.

Wéi eng Musek kann ee sech stilistesch bei Trendscheif erwaarden?

J.R. an Y.S.: Mir wäerten eis mat Pop-Musek am wäitste Sënn beschäftegen. Mir wëllen de Spek- trum bewosst ganz breet halen. Et wäerte souwuel nei Hip Hop an R&B Albume beschwat ginn, wéi och Rock, elektronesch Musek oder Singer-Songwriter. Et geet drëm iwwer Musek ze schwätzen, déi eppes iwwer déi Zäit ausseet, an där mir liewen. An eng vun den Eegeschafte datt Stiler ëmmer méi verschwannen, respektiv matenee vermëscht ginn.

Mir hunn och allebéid verschidde perséinlech musikalesch Virléiften an Affinitéiten. Deemno si mir Allenzwee gespaant op dat, wat deen aneren all Woch wäert mat an d'Emissioun bréngen.

Et ass och net relevant, ob et sech ëm bekannte Mainstream Artisten handelt, oder Decouverten aus dem Underground. Musek ass d'Mamm vun allem an d'Mamm huet ëmmer Recht.

Den Numm vun der Sendung dréit eng gewëssen Tendenz zur Destruktioun a sech. Wäert Dir just Placken zerräissen?

J.R. an Y.S.: Dorëms geet et eis natierlech net. Mir wëlle virun allem spannend nei Verëffent- lechunge virstellen. Mir si Fans vu gudder Musek, a si frou déi kënne mat den Nolauschterer ze deelen. Wann allerdéngs e Kënschtler oder eng Kënschtlerin eppes erausbréngt, wat trotz pop- kultureller Relevanz musikalesche Brach ass, wäert dat selbstverständlech gesot ginn.

D'Playlist vun där éischter Emissioun

1. John Maus - The Combine (Screen Memories, 27.10. - Ribbon Music)
2. Gun Outfit - Strange Insistence (Out of Range, 10.11. - Paradise of Bachelors)
3. Courtney Barnett & Kurt Vile - Over Everything (Lotta Sea Lice, 13.10. - Milk! Records)
4. Deer Tick - Card House (Deer Tick Vol. 1, 15.09. - Partisan)
5. Siriusmo - Where Was I? (Comic, 15.09. - Monkeytown)