UGDA Martine Deprez bleift Presidentin

Am Hierscht d’läscht Joer gouf et un der Spëtzt vum Daachverband vun de Museksveräiner gréisser Turbulenzen an op engem ausseruerdentlechen Kongress vun der UGDA am Oktober gouf en neien Zentralcomité mat der Martine Deprez als Presidentin gewielt. Dës Equipe gouf e Sonndeg confirméiert. De Guy Engels huet sech mat der Presidentin vun der Unioun Grand-duc Adolphe ënnerhalen.

Deprez-Martine-2016.jpg
©UGDA

D'Prioritéite vun der neier Presidentin sinn méi enk Relatioune mat de Museksveräiner an eng Reform vun de Statutten. Zesumme mat de Veräiner wëll d'Martine Deprez elo diskutéieren fir ze kucken ob et eng sënnvoll Iddi ass fir een haaptberufflechen administrateur anzestellen. "Oder ob mer eis aktuell Strukturen e bessen ausbauen fir méi Leit mat an d'Boot ze huelen."

Fir méi enk mat de Veräiner zesummenzeschaffen, wëll déi nei Presidentin fir d'éischt emol 17 Delegéierte-Postë besetzen. "Doduercher datt am Moment 17 Plazen opstinn, kënne mer natierlech net ëmmer iwwerall present sinn", esou d'Martine Deprez. Duerno géing et drëm goen déi Delegéiert besser z'aktivéieren a sécher ze stellen, datt een ëmmer Réckmeldung kritt. Donieft missten d'Veräiner awer och méi responsabiliséiert ginn. D'UGDA kéint hinnen entgéintkommen, zum Beispill als eng Plattform fir besser Relatioune mam Ausland.

"Mir ginn net méi drop an."

D'Turbulenzen an der UGDA am Hierscht, waren op Meenungsverschiddenheete mam dann-Generalsekretär Jeannot Clement. Dësen huet de Weekend offiziell demissionéiert. An engem Bréif vu néng Säiten, deen hien op enger perséinlecher Internetsäit publizéiert huet, verwerft hien d'Virwërf géint hien a schwätzt vun engem "illegalen" ausseruerdentleche Kongress am Oktober. De Jeannot Clement seet, hie wier just vun 33 Prozent vun de Veräiner ofgewielt ginn.

Déi nei Presidentin vun der UGDA sot ons si wéilt net méi dorobber agoen. No Récksprooch mat enger Rei Veräiner, wier een zur Konklusioun komm, datt een d'Demissioun vum Jeannot Clement géing "aktéieren". D'Martine Deprez geet och net dovunner aus, datt de Jeannot Clement nach wäert "à charge" kommen. "Well wann hien d'Decisioun geholl huet ze demissionéieren, dann denken ech, datt hien a sengem Kapp, mat deem Kapitel ofgeschloss huet."

Den Interview vum Guy Engels mam Martine Deprez:

Méi zum Thema

100,7-Informatiounen no huet um Donneschdeg Owend quasi de ganzen Executivbureau vum Daachverband vun de Museksassociatiounen (Union Grand-Duc Adolphe) demissionéiert. Mam Generalsekretär géifen et Differenze ginn, déi net z'iwwerbrécke wieren

Programm

Dossieren

  • Chamberwahlen 2018

    De 14. Oktober gëtt eng nei Chamber gewielt. De radio 100,7 bericht iwwer d'Kandidaten an d'Enjeue vun dëse Wahlen.

  • Dateschutz

    De 25. Mee trëtt an der EU en neit Dateschutzreglement a Kraaft. Wat bedeit dat fir d'Bierger an d'Betriber? A wat ännert wierklech? Detailer an eisem Themeschwéierpunkt.

Communiquéen

  • Une nouvelle application mobile « radio 100,7 »

    radio 100,7 vient de lancer sa nouvelle application pour appareils mobiles. L'appli, simple à installer et facile à utiliser, permet d'écouter le programme de la radio 100,7 en direct et en différé en puisant dans la médiathèque de la radio. 

  • Yann Logelin, nouveau chef de la programmation à radio 100,7

    radio 100,7 annonce la nomination de M. Yann Logelin au poste de chef de la programmation. Yann Logelin prendra le relais de M Claude Mangen qui, après 25 ans à ce poste, assumera la direction du Mierscher Kulturhaus à partir du 1er novembre 2018.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen