When 'Airy Met Fairy Melancholesch a minimalistesch Andréck aus der eideler Wunneng

Déi spartanesch Klang-Ästhetik huet sech aus den technesche Limitatiounen eraus erginn a presentéiert den islännesch-lëtzebuergeschen Duo an hirer réier Pracht. Der Thorunn Egilsdottir an dem Mike Koster hiren neien Album "Esprit de corps" ass ganz eleng konzipéiert a produzéiert ginn. Den Jamie Reinert huet mat hinne geschwat.

Jamie Reinert / cz

Airy Met Fairy

"Esprit de corps" gouf Produktiouns-méisseg net mat Zockergoss bezunn. D'Circonstancë vum Home-Studio hätten de réien an éierleche Sound diktéiert. "Mir haten nach ni just zu zwee zesummegeschafft", seet d'Thorunn Egilsdottir. Ganz am Ufank wier d'Band zu fënnef/sechs gewiescht, dunn zu véier, dunn zu dräi, bis um Enn nëmmen en Duo iwwreg bliwwen ass.

Um neien Album si si fir d'éischte Kéier Tountechniker, Batteur a Multi-Instrumentalist. "Mir hu misse Léisunge fannen", seet d'Sängerin. Dat wier eigentlech dem Mike Koster ze verdanken, dee vun Ufank un un d'Erausfuerderung gegleeft hätt.

80 Prozent vun den Iddie wieren direkt an den éischte Stonnen erausgeflunn. E Plang gouf et net. Iwwer zwee Joer hätt dat neit Wierk seng eege Faarf ugeholl. Den Duo huet mat synthetesche Bléiser, Uergel a Samples gekniwwelt a sech mat ville Stëmm-Schichten an Effekter ameséiert. Déi besonnesch Ambiance beim Kreatiounsprozess wier mat Sushi a roudem Wäin ënnerstëtzt ginn. "Entweder kucke mir den Owend Netflix oder mir maache Musek, ma da maache mir Musek", esou d'Thorunn Egilsdottir.


Lauschtert de ganzen Interview:

Lauschteren

Méi zum Thema

Chicano Batman.jpg
Chicano Batman - Invisible People

D'Plack vun Chicano Batman huet vill méi ze bidde wéi nëmme gutt Laun. Eisen Album vun der Woch kënnt aus Südkalifornien a bitt niewent vill Sonn och mat Léift formuléiert Gedankenustéiss.

Maddy
Maddy - Cool

Maddy - Cool: Eng Single mat engem funkege Groove an engem iwwerraschende méistëmmege Gittarsintermezzo setzt den Toun. Mir hu mam jonke Museksstudent zu Amsterdam geschwat.

Praktesch Infoen

Dossieren

  • Coronavirus

    Den neiaartege Coronavirus Sars-CoV-2 breet sech ëmmer méi aus. De Virus léist d'Krankheet COVID-19 aus. Wéi eng Mesurë gi geholl, a wéi een Impakt huet en op Lëtzebuerg?

  • Gratis ëffentlechen Transport

    Den ëffentlechen Transport zu Lëtzebuerg ass vum 29. Februar u gratis. Dat haten d'Majoritéitsparteien Enn 2018 esou decidéiert. An eisem Dossier fannt Dir all eis Artikelen zum Theema.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen