Zero Point Five annoncéieren neien Album Minnetter Jonge mat Banjo, Mandolinn a Gei

Zanter zéng Joer existéiere Zero Point Five. Dofir gëtt am Hierscht gefeiert. Aus hirem zweete Longplayer presentéiert d'Lëtzebuerger Folk Pop Formatioun déi éischt Single "Breeze".

Marc Clement / ys

ZERO POINT FIVE

Zero Point Five spillen interessant Instrumenter. Banjo, Mandolinn a Gei droen dozou bäi, datt hir Pop Lidder méi speziell kléngen. Si hätte sech um Bluegrass inspiréiert, erklären d'Museker.

"Du kéins deen trauregsten Akkord spillen um Banjo, an d'kléngt awer nach ëmmer iergendwéi frou", seet de Kiko Menichetti. Et bräicht ee just laang fir d'Instrument ze stëmmen.

De Sound aus dem Süden

2009 gouf d'Band am Minett gegrënnt. Nom éischten Album "Stories From The Bar Downtown" (2014) an dem EP "Southbound" (2016) presentéiere si den 31. Oktober hiren neien Album an der Rockhal. "Mir hunn dee 'Southern Breeze' genannt, fir bëssen an deem südlechen Ambiente ze bleiwen", seet de Gilles Saracini.

An där éischter Single-Auskopplung "Free" sinn elektronesch Beats ze héieren. Deen Afloss kënnt vum Chris Reitz, dee Gei spillt. "Ech maache bësse méi elektronesch Musek, an do ass dat natierlech eragefloss. A si waren direkt begeeschtert, dofir hu mir dat a verschiddene Lidder agebaut."

D'Release-Party an der Rockhal markéiert och den zéngte Gebuertsdag vu Zero Point Five. "Also et gi genuch Grënn fir ze feieren a mat ze sangen."


De Kiko, de Gilles an de Chris am Gespréich mam Marc Clement

Lauschteren

Méi zum Thema

Amanda Palmer
Amanda Palmer

Am September kënnt d'Aktivistin a Musekerin op Lëtzebuerg. E Gespréich iwwer Fraerechter, Mamm sinn a gesellschaftlechen Engagement. Den Yves Stephany huet sech mat hir ënnerhalen.

Ryvage
Ryvage presentéiert Tides EP

De Lëtzebuerger Produzent Ryvage schléit mat sengem Synthesizer-lastegen Electropop Wellen. Dëse Freideg presentéiert hie säin éischten EP. Et geet ëm Sujete wéi Gediechtnes, Zäit an Identitéit.

Comité 100 Joer Ensemble à plectre municipal d’EschAlzette
2020: d'Joer vun der Mandolinn zu Esch/Uelzecht

Den Ensembel gouf 1920 vun däitschen Amateurmusekerënner ënnert dem Numm Edelweiss zu Esch/Uelzecht gegrënnt. Den Ensembel spillt e Repertoire, deen näischt mat italienesch populärer Musek ze dinn huet, mee dee méi usprochsvoll ass.

Programm

Net verpassen

  • Dëse Sonndeg um 11:00 LIVE aus der Congresshalle zu Saarbrécken

    DRP

    Eng Symphonie mat Piano - Esou gëtt dacks dem Johannes Brahms säin zweete Pianosconcerto beschriwwen. De russesche Pianist Nicolai Lugansky spillt dëst Wierk an där nächster Matinée vun der Deutschen Radio Philharmonie Saarbrücken Kaiserslautern, déi de radio 100,7 zesummen mat SR2 KulturRadio e Sonndeg, 15. Dezember 2019, vun 11.00 Auer u live aus der Congresshalle zu Saarbrécken iwwerdréit.

Dossieren

  • Google-Datenzenter

    Google wëllt op Lëtzebuerg kommen: op engem Feld zu Biisse wëllt déi amerikanesch Internetentreprise en Datenzenter bauen. Kritik gëtt et ënner anerem um méigleche Waasser- a Stroumverbrauch.

  • Mäin Europa

    Europa ass e feste Bestanddeel am Alldag vu senge Bierger. Mee mécht sech d'EU am deegleche Liewe vun den Europäer bemierkbar? Wat bréngt d'Europäesch Unioun senge Bierger? Mir weise konkret Beispiller.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen