Ecouter pour mieux s'entendre Musek schenken

"Ecouter pour mieux s'entendre" - openee lauschteren, fir sech besser ze verstoen. Dat ass net nëmmen eng vun de Grondreegelen, wann ee Musek zesumme mécht, dat gëllt natierlech och an den tëschemënschleche Relatiounen. Openee lauschteren, fir sech besser ze verstoen - op dem Grondsaz baut d'Fondatioun EME hir Aktivitéiten op.

Guy Engels

Musek schenken

2009 gouf op Initiativ vun der Philharmonie d'Fondatioun Ecouter pour mieux s'entendre gegrënnt. D'Stëftung ass haut eng onofhängeg Ariichtung, déi sech just aus Done finanzéiert. Hiert Zil ass et, all deene Mënschen, déi ni d'Chance hunn an e Concertssall ze goen, nach ewell een Zougang zur Musek ze bidden. An esou huet d'Stëftung eng ganz Rëtsch Projeten entwéckelt, déi fir musikalesch a kulturell Inclusioun stinn: Concerten a Spideeler, an Altersheimer, a Prisongen, an Ariichtunge fir Sans-abris. Et geet bei deene Concerten allerdéngs net nëmmen ëm dat passiivt Nolauschteren, vill Aktivitéite sinn interaktiv, setzen op d'Matmaache vun de Leit. Antëschent kënnt d'Fondatioun EME op ronn 160 Institutiounen, déi bis dato matgemaach hunn. Dat waren eleng am Joer 2017 ëm déi 600 Concerte mat ronn 15.000 Participanten.

Projet fir den Advent

No Allerhellege geet et riicht ewech op Chrëschtdag duer. Op ville Plazen ass déi passend Beliichtung schonn installéiert, hei an do glënnert elo schonn owes an engem Virgäertchen e Beemchen. Fir déi Feierdeeg, déi elo kommen, huet d'Fondatioun EME sech e besonnesche Projet ausgeduecht: Musek schenken.

Et geet drëms, datt Leit sech bei der Stëftung mellen, well si engem besonnesche Mënsch grad an där Zäit wëllen e Concert schenken. Fir datt dat fonctionnéiert, brauch d'Fondatioun EME awer och Leit, déi hiert musikalescht Talent fir deen Zweck wëllen zur Verfügung stellen. Gesicht ginn also Beschenker an och där, déi solle beschenkt ginn.

Fir beim Projet "Musek schenken" matzemaachen, brauch ee just op d'Internetsäit www.fondation-eme.lu/de/projects/50/ ze goen.

An der Mediathéik:

Klassik aktuell / / Guy Engels
Lauschteren

Méi zum Thema

Stravinsky
Klassik-CD vun der Woch

Mam Gustavo Gimeno als Chefdirigent huet den OPL sech an deene leschte Joren op eng besonnesch intensiv Rees beim Stravinsky seng Musek gemaach. Op dem neien Album kënnt eng Vertrautheet zum Ausdrock.

Programm

Dossieren

  • Lëtzebuerg entdecken

    De Summer ass normalerweis déi Zäit, an där de Lëtzebuerger an d'Vakanz fiert. Mee net nëmmen am Ausland gëtt et vill ze entdecken, och hei am Land ginn et vill schéin Ausfluchsziler.

  • Verfassungsreform

    D'Verfassung vun 1868 soll duerch eng nei Verfassung ersat ginn. 2009 gouf dëse Reformprozess formell lancéiert an nach ass d'Aarbecht net ofgeschloss. Et ass nach e Referendum iwwer den neien Text geplangt.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen