Klassik-CD vun der Woch Poetesch, verdreemt an einfach nëmme stëmmungsvoll

De Geiist Pierre Fouchenneret, den Cellist Raphaël Merlin vum Quatuor Ébène, de Pianist Simon Zaoui an den Tenor David Lefort proposéieren en net-chronologesche Spadséiergang duerch dem Gabriel Fauré seng Kammermusek. Trioen, Duoen a Stécker fir Piano solo stinn nieft Lieder a formen e Ganzt mat engem eenheetleche musikalesche Charakter.

Luc Boentges

Horizons

CD: Gabriel Fauré - Horizons

Label: Aparté

Wierker: Kammermusek, Lieder a Stécker fir Piano-Solo

Interpreten: Pierre Fouchenneret, Simon Zaoui, Raphaël Merlin, David Lefort

Interpretatioun: 4/5
Klangqualitéit: 4/5


Um Cover: Véier Museker mat Schnutz. Firwat? Nieft senge Wierker war de Komponist Gabriel Fauré bei sengen Zäitgenossen och fir säin deels gezwirbelten, deels buschege Schnurrbaart bekannt. Mä och wann de Schnurri bei de véier Museker offensichtlech falsch an opgepëscht ass, schéngen si een anert, net siichtbart Mierkmol vum Komponist a sech ze droen: seng Musikalitéit. Op d'mannst kënnt dat engem esou vir, wann een hiren Disk lauschtert. Opgeholl an zwou Sessiounen, héiert e sech u wéi aus engem Goss. Wéi wann d'Emotioune vun enger eenzeger Persoun zum Ausdrock bruecht géinge ginn, egal wéi eng Formatioun grad spillt.

Ofwiesslung mat Kohärenz

Op deenen zwee Diske mat hiren insgesamt circa 150 Minnutte Spillzäit fënnt ee Wierker fir Gei, Piano an Cello a bal alle méigleche Variatiounen. Sief et en Trio, en Duo oder e Stéck fir Piano-Solo. An trotz dëser Variatioun transportéiert den Disk ee musikalesche Gedanken. D'Stécker hunn alleguerten e poeteschen, bal verdreemte Charakter. Mat der éischter Nout vum éischte Stéck gëtt eng Stëmmung kreéiert, déi an hire Grondsätz bis zum Schluss bestoe bleift.

L'horizon chimérique

Dat Wierk, dat am Ufank vum zweeten Disk steet, an domadder am Mëttelpunkt vum Programm ass den "horizon chimérique". E klengen Zyklus vu véier Lieder fir Stëmm a Piano. Et ass dat eenzegt Wierk, un deem den Tenor David Lefort bedeelegt war. A leider muss ee soen, datt dëse Mëttelpunkt net iwwerzeegt. Och wann dem David Lefort säin Timber gutt an de generelle Klang vum Disk erapasst, an hien déi generell Stëmmung trëfft, feelt et e bëssen un Expressivitéit. Eng Expressivitéit, déi ee ganz däitlech an der Gei vum Pierre Fouchenneret an och am Cello vum Raphaël Merlin héiert. Dëst gëtt ganz däitlech am direkte Verglach.

De perfekten Disk fir e gemittleche Wanterowend

Den Disque "Horizons" weess duerch säin eenheetlech verdreemte Charakter z'iwwerzeegen. Dofir, datt et net langweileg gëtt suergen déi verschidde Besetzungen. Insgesamt passt dës CD perfekt an d'Stëmmung vun engem gemittleche Wanterowend.

Méi zum Thema

OPL Mahler
Klassik-CD

De Philharmoneschen Orchester Lëtzebuerg iwwerzeegt mat enger excellenter an dynamescher Interpretatioun vun dësem fréie Wierk vum Gustav Mahler. Eenzege Bemol ass d'Qualitéit vun der Opnam.

Mozart Schoenberg Cover
Classic CD vun der Woch

"Verklärte Nacht, opus 4" ass ee Stéck fir Sträichsextett vum Arnold Schönberg aus dem Joer 1899. D'Stéck baséiert op dem Gedicht "Weib und Welt", oder "La femme et le Monde" vum Richard Dehmel.

Schubert Brahms.jpg
Klassik-CD vun der Woch

Grouss Dynamik, gelongen Iwwergäng tëschent Melodie a Begleedung an insgesamt einfach eng Opnam, déi beim Lauschtere Spaass mécht. Den neien Disk vun de Schlesesche Kammersolisten.

Meier.jpg
Klassik-CD vun der Woch

Den Heinrich Baermann, Fils vun engem Militärmuseker, ass virun allem ënnert Klarinettiste bekannt. Gebuer ass hien 1784 a kënnt als 14jäeregen an den Déngscht vun der kinneklecher Garde zu Potsdam.

Programm

Net verpassen

  • Suicidegefor am Alter: En Tabuthema

    Suicidegefor am Alter

    Persounen iwwer 75 Joer si besonnesch ufälleg fir sech d'Liewen ze huelen. Eng rezent Campagne fir "Suicidepreventioun am Alter" weist, datt Seniore sech dräi bis véier Mol méi dacks suicidéiere wéi Jonker ënner 25 Joer. E puer vun de Grënn si sozial Isolatioun, Solitude oder Depressiounen.

Dossieren

  • Google-Datenzenter

    Google wëllt op Lëtzebuerg kommen: op engem Feld zu Biisse wëllt déi amerikanesch Internetentreprise en Datenzenter bauen. Kritik gëtt et ënner anerem um méigleche Waasser- a Stroumverbrauch.

  • Mäin Europa

    Europa ass e feste Bestanddeel am Alldag vu senge Bierger. Mee mécht sech d'EU am deegleche Liewe vun den Europäer bemierkbar? Wat bréngt d'Europäesch Unioun senge Bierger? Mir weise konkret Beispiller.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen