Ice In My Eyes Pop-Pärele mat assuméiertem Pathos

Ice In My Eyes hunn en neien Album. D'Museker leeë bei dëser Produktioun Wäert op d'Emotiounen an d'Dynamik vun hire Live-Optrëtter. Fir dat ëmzesetze ware si bis an d'fränkesch Provënz.

Marc Clement / ys

Ice In My Eyes.JPG
Ben Thommes (gtr) / Olivier "Funka" Treinen (voc/keys) / Mike Koster (bass)

En Hang zu pathetescher Hymnik a grouss Pop-Gesten: déi Observatioun vun engem däitschen online-Magazin kéint hie mat zwou Hänn ënnerschreiwen, seet den Olivier Treinen. "Dat ass genee dat, wat ech nach ëmmer wollt maachen." Sou wéi et ëmmer schlechte Pop gi wär, wär et och schlechte Pathos ginn. Déi Kritik un Ice In My Eyes hätt hien dowéinst als positiv ëmpfonnt.

Dem Sänger seng musikalesch Preferenze sinn a senger Jugend verwuerzelt. Mat 13 Joer hätt hien net, wéi all déi aner, Metal gelauschtert, mee The Cure an The Smiths. Vill Leit géife säi Gesank mat deem vum Robert Smith vergläichen.

"Ech hu mech awer éischter an d'Melodien an an d'Haromie vun de Beach Boys verléift", seet den Olivier. "Déi Musek huet Séil, an als Sänger flitts de iergendwéi. Do kënnt och déi al Kamell hier, datt fir mech d'Melodie an d'Hookline genee sou wichteg sinn, wéi d'Wuert selwer." Et wär wichteg, datt een alles an ee Pop-Song kéint eran interpretéieren.

Ice In My Eyes sinn eng vun deene wéinege Pop-Gruppen zu Lëtzebuerg (© Djavanshir .N)

Produktioun vum Jan Kerscher

"Diamond" gouf vum däitsche Produzent Jan Kerscher opgeholl, deen och schonn Inborn a Mutiny on the Bounty produzéiert huet. "Wann hie mat dir schafft, ass hie wéi en Deel vun der Band", erkläert de Mike Koster.

Bei Pop-Musek ginn an der Regel déi eenzel Instrumenter noeneen op e Metronom agespillt. Ice In My Eyes huet hir Stécker live an ouni Click-Track opgeholl. "Mir hu gemierkt, datt d'Stécker grad vun där Fräiheet liewen, datt se am Refrain bësse méi séier ginn", seet de Mike. "Dat gëtt deem Ganzen eng Dynamik, déi mir dës Kéier wollten."

Deen éischten Album wär ze steril par Rapport zu de live-Optrëtter eriwwerkomm. Beim neie Wierk hätt ee probéiert, d'Live-Emotioune mat op Band ze kréien. Trotzdem sinn op "Diamond" Overdubs, a beim Mëschen huet de Jan Kerscher seng Kreativitéit als Produzent afléisse gelooss.

"Diamond" ass beim franséischen Indie-Label "Tourne Disque" erauskomm. De Cover vum Album gouf vun der Lëtzebuerger Artistin Nora Wagner realiséiert. Den 13. Mee gëtt den Disk an de Rotondë virgestallt.

Ice In My Eyes sinn:
Olivier Treinen (Gesank an Tasten)
Mike Koster (Bass)
Ben Thommes (Gittar)
Luc Hoffmann (Batterie)


Weider Infoen um Web:
​Ice In My Eyes Tumblr: http://iceinmyeyes-band.tumblr.com/
Ice In My Eyes Facebook: https://www.facebook.com/iceinmyeyes2013
Jan Kerscher: http://ghostcityrecordings.com/jan-kerscher/
Nora Wagner: https://norawagner.com/

An der Mediathéik:

Backstage / / Marc Clement
Lauschteren

Méi zum Thema

Pit Dahm.JPG
Album vun der Woch

De Batteur Pit Dahm presentéiert säin éischten Album als Bandleader. "omicron" ass hallef geschriwwen, hallef improviséiert. Trotz der Fräiheet wär et kee Kaméidi, verséchert de Museker.

Maka MC + BC ONE.JPG
Hip Hop

De Maka MC gesäit sech als musikaleschen Aktivist. Op sengem Debut-Album "Dialog" schreift de Lëtzebuerger Rapper sech 17 Lidder vun der Séil. Hien hannerfreet, klot un a léisst et knuppen.

Programm

Dossieren

  • Verfassungsreform

    D'Verfassung vun 1868 soll duerch eng nei Verfassung ersat ginn. 2009 gouf dëse Reformprozess formell lancéiert an nach ass d'Aarbecht net ofgeschloss. Et ass nach e Referendum iwwer den neien Text geplangt.

  • Literaturfestival "étonnants voyageurs"

    Iwwer de Päischtweekend stoung d'Literatur aus der ganzer Welt, awer och de Film an d'Ausstellungen am Mëttelpunkt an der klenger bretonescher Festungsstiedche Saint Malo.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen