Nei CD vum Greg Lamy 4tet Press Enter, a lass

De leschten Opus vum Quartett mam Titel "Meeting", bei Igloo Records, koum 2014 eraus. An och déi nei CD "Press Enter" soll beim selwechte Label releast ginn, mat engem offiziellen Event: de 7. Oktober an de Rotonden zu Bouneweg am Kader vun engem Concert.

Manuel Ribeiro

Lamy.jpg
De Greg Lamy 4tet © Paolo Lobo

Néng Titelen plus e Bonus Track sinn op dësem neien Album ze fannen. "Press Enter" ass jo e Begrëff, dee mat Computertastaturbezeechnungen ze dinn huet, mee musikalesch, esou de Greg Lamy, soll en dorënner awer net onbedéngt eppes siche goen, ausser, dat verschidden Titelen no weidere Computerbegrëffer (Control Shift, Exit, Erase), benannt sinn.

Schonn iwwert zéng Joer spillen déi selwecht Museker am Greg Lamy 4tet: Johannes Müller (Saxophon), Gautier Laurent (Bass), Jean-Marc Robin (Batterie) an de Greg Lamy (Gittar).

Ewech vum Akusteschen

Wann déi lescht Albumen vum Greg Lamy 4tet méi akustesch waren, dann huet de Greg Lamy sech dës Kéier kompositoresch dovunner distanzéiert.

"Mam Quartett gi mer elo an eng Richtung déi méi 'modern' ass. Ech hunn ëmmer mat enger semi-akustescher Gittar gespillt. Elo spillen ech mat enger elektrescher Gittar a ka mer méi Verzerrungen a méi Effekter, erlaben", esou de Greg Lamy. Derbäi verréit hien: "Ech si ganz frou, datt de Quartett dat matmécht. Mir ginn all zesummen an eng Direktioun, déi eis gefält. Kloer kléngt d'CD méi modern, mat méi saturéiert Téin."

An tatsächlech kléngt den neien Album méi "elektresch", mat Influenzen vu Rock, Blues a Funk. Dynamesch, a méi nervös Titelen alternéieren mat méi luesen. Nervös a paakend Stécker wiesselen sech mat éischter bluesaartege Balladen of.

"Press Enter" vum Greg Lamy 4tet ass en Album, deen och net agefleeschten Jazz-Fans gefale kéint.


Lauschtert dat ganzt Gespréich mam Greg Lamy:

Greg Lamy

An der Mediathéik:

Blue Note / / Manuel Ribeiro
Lauschteren

Méi zum Thema

David Laborier
Musikalesch Visittekaart

Den Jazzmuseker ass oppe fir Experimenter. Jazz trëfft bei him och schonn emol op Electronic. Op senger Playlescht stinn awer virun allem déi jazzeg 1960er Joren.

Programm

Dossieren

  • Gemengewahlen 2017

    Den 8. Oktober kënnen d'Bierger aus de 105 Gemengen am Land hir lokal Vertrieder nei bestëmmen.

  • Däitsch Bundestagswahl 2017

    De 24. September 2017 wielt Däitschland en neit Parlament. D'Angela Merkel (CDU) an de Martin Schulz (SPD) trieden als Kanzlerkandidaten un.

Communiquéen

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen