Congés annulés Public Service Soundsystem 2 an de Rotonden
An eiser Serie "Public Service Sound System" schéckt den 100,7 op dräi Méindeger vum Mount August ee vu senge Radio-DJen an d'Rotonden, fir mat Invitéë vun 8 Auer un d'Terrass vun de Rotonden onsécher ze maachen.
D'Gespréich mam Richard Heinemann lauschteren
De Richard Heinemann, eisen elektronesche Musekskenner a Presentateur vun der Emissioun E-Lodie, huet fir haut (10.8.) déi zwee Dub-orientéiert DJe Koztum a Flextronic vun Tréier agelueden. De Marc Clement huet mam Richard iwwer seng Emissioun, de Set haut den Owend a seng Invitéë geschwat.
Kennegeléiert hunn déi dräi sech an där Zäit, wou de Richard am Rocas als Resident d'Soirée "Upstairs Downstairs" organiséiert huet an ëmmer no DJen aus de Regioun gesicht huet, fir mat hinnen opzeleeën. Bei esou muncher Soirée an der Tréier Villa Wuller huet dëse Kontakt sech gefestegt.
Als Warm-Up gëtt et vu sechs Auer eng Astëmmung vum Richard mat dem Best-Of vun deene leschte Méint E-Lodie, éier et da fir de Rescht vum Owend Dub- an Dubstep-inspiréiert Beats ze genéisse ginn.
An der Mediathéik:
LauschterenMéi zum Thema
Gedankegäng a Musek faassen
Gëschter Owend live an de Rotonden zu Bouneweg a live op eiser Antenn: "Slumbergaze". Viru sengem Optrëtt an de Rotondë gëtt den Eric Junker Explikatiounen zu senger Musek.
Covid-Gesetz: Lockerunge fir Museker
De 25. Juli soll dat neit Covid-Gesetz a Kraaft trieden. Am Gesetz ass keng Masken- oder Distanzflicht fir Museker virgesinn, just nach fir de Public. Wat bedeit dat fir d'Museker?
