Elektronesch Musek Ryvage: "Ech a meng Maschinnen"

De Samuel Reinard lancéiert een neie Solo-Projet. "Ryvage" ass progressiv elektronesch Musek, déi aus dem Bauch eraus entsteet. D'Kompositiounen dréinen ëm Kontraster, Spannungen an Trance.

Yves Stephany

RYVAGE

Ryvage géif déi Plaz bezeechnen, wou Flësseg a Fest openeen treffen, seet de Samuel Reinard. "Dat ass eng Grenz, déi sech permanent verännert." Seng Kompositioune géife mat Kontraster an Differenze funktionéieren. Mat Héichten an Déiften, Hell an Donkel, mat Atmosphären, déi sech séier ofwiesselen.

Fir de Projet "Ryvage" huet de Museker sech just elektronesch Mëttelen zur Verfügung gestallt. "Et si Song-Strukturen enstanen, déi heiansdo bësse progressiv sinn. U rengen Elektro-Kompositioune fannen ech dat Trance-Ähnlecht oder Tribalescht interessant." Duerch dat Repetitiivt géif een iergendwann säi Bewosstsinn ausklinken an an eng Zort Tunnel kommen. "Ryvage" géif dës elektronesch Approche mat Song-Arrangementer vermëschen, sou géif eng Spannung entstoen.

Fräiheet a Risiko

Den Ausgankspunkt vu senge Kompositioune kéinte ganz verschidden Elementer sinn, seet de Samuel Reinard. "Wann ech eng fest Iddi am Kapp hunn, kënnt normalerweis eppes Anescht eraus, oder et kléngt steril. Dëse Projet ass extrem Gefill-baséiert. Och wann et mat verhältnisméisseg informateschen a synthetesche Mëttele gemaach ass."

Par Rapport zu sengem anere Projet "Wallace Dice" wier Ryvage méi fräi. An et wier méi Risiko dran, et kéint bei der Live-Interpretatioun méi schif goen. "Dat hunn ech ganz spezifesch gesicht", seet de Museker. "Et ass och méi eng live Performance. Zum Beispill sangen ech bei verschiddene Stécker duerch ee Vocoder."

Deen éischten Track vu "Ryvage", "Mountains and Valleys", ass elo online. Dëse Mëttwoch, den 10. Mee ass deen éischten Concert vum neie Projet an de Rotondes.

Ryvage

Méi zum Thema

Daniel Balthasar
Musek vu Lëtzebuerg

"Presence of Absence" heescht deen neien Disk vum Daniel Balthasar. De lëtzebuergesche Museker hëlt seng Albume gären a méi spezielle Studioen op. Fir seng sechste Scheif goung et an Holland.

Bartleby Delicate
Frontman vu Seed to Tree

Bartleby Delicate ass dem Georges Goerens säin Alter Ego. Hien ass e Singer-Songwriter deen intim Folk Musek kreéiert. A sengem neie Projet hunn Imperfektioun, Herman Melville a Fräiheet d'Soen.

Programm

Dossieren

  • CinÉast 2017

    Schonn déi zéngten Editioun vum Lëtzebuerger Filmfestival, deen e breede Panorama vum "Art et essai"-Kino aus Mëttel- an Osteuropa bitt. Eng 100 Projektioune vu Wierker aus 19 europäesche Länner.

  • Gemengewahlen 2017

    Den 8. Oktober kënnen d'Bierger aus de 105 Gemengen am Land hir lokal Vertrieder nei bestëmmen.

Communiquéen

  • Offre d'emploi

    L'Etablissement de Radiodiffusion Socioculturelle recrute un technicien radio (m/f).

  • radio 100,7 renforce sa rédaction

    Mme Christina Heidt et M. Maurice Molitor rejoignent la rédaction d'actualités de la radio de service public.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen