Trip Hop vu Lëtzebuerg Synthesis: méi organesch, méi live

No dräi Joer Paus melle Synthesis sech zeréck. Den Duo schafft un engem neien Album an un enger opwänneger Live-Show. D'Approche ass eng ganz aner wéi um éischten Disk. D'Ambitioune si grouss.

Marc Clement / ys

Synthesis
Synthesis (Foto: Max Nilles / breakfast.lu)

Synthesis ass de gemeinsame Projet vun der Sängerin Deborah Lehnen an dem Produzent Michael Galetto. De 14. Januar 2014 konnt een den Trip-Hop Duo fir d'leschte Kéier am Concert gesinn. Am Kader vum 10. Gabuertsdag vun hirem Label Chez Kito Kat klamme si den 22. Dezember nees op d'Bühn vun de Rotonden.

D'Deborah hätt an der Zwëschenzäit un engem Bébé-Projet geschafft an de Michael hätt vill Energie a säin House-Projet d.e.t. 90 investéiert erklären d'Museker. "Ech hunn 2015 mäin éischten Album produzéiert", sou de Michael Galetto. An hien hätt een Disk mat engem Gittarist opgeholl, deen allerdéngs eréischt wäert verëffentlecht ginn.

Neien Album fir 2017

D'Schreiwen als Synthesis hätt hinnen awer gefeelt, dofir hätte si sech iwwer d'Demande vu Chez Kito Kat gefreet, fir op hirem Gebuertsdag opzetrieden. "Mir sinn nees aktiv um Schreiwen", seet d'Deborah Lehnen. 2017 kéint ee mat engem Album rechnen.

D'Musek entsteet am Michael Galetto sengem Home-Studio, wou hie virun allem mat ale Synthesizeren experimentéiert. Déi nei Stécker wieren awer méi organesch, wéi d'Human EP vun 2013. Niewent deenen elektroneschen Instrumenter solle Gittar a Batterie méi eng wichteg Roll spillen. "D'Stëmme si méi soulful", sou d'Deborah Lehnen. "Deen éischten Album war zimlech Pop. An där Paus si mir vill méi mature ginn, an dat héiert een och eraus." Et géif een och driwwer nodenken, fir Museker mat op d'Bühn ze huelen, fir eng richteg Live-Show kënnen opzebauen.

Mam éischten Album hätte si vill flott Festivale gespillt. Ënner anerem de Spot zu Aarhus an de Reeperbahn Festival zu Hamburg. Ganz gär géif Synthesis nees vill optrieden.

An der Mediathéik:

Backstage / / Marc Clement
Lauschteren

Méi zum Thema

Räpzodi
Akustesche Rap

Räpzodi ass een neie Projet ronderem de Lëtzebuerger Rapper Tommek. D'Beats gi live vun enger akustescher Band gespillt. An der Fotell vum Produzent sëtzt de Lidderschreiwer Serge Tonnar.

Pascal Schumacher Uberbach
Klassik

Viru kuerzem huet de Pascal Schumacher um Klassikprojet "ÜberBach" matgeschafft. Ee Projet, iwwer de Johann-Sebastian Bach, "mat Plazen, wou et einfach rockt." Ee Gespréich mam Vibraphonist.

Marly Marques Quintet
Jazz

De Marly Marques Quintet huet en neien Album fäerdeg: Den Nolauschterer erwaart liichten Jazz mat eegene Kompositiounen. Mee wie stécht eigentlech hannert dëser jonker Jazz-Formatioun?

Cleveland
Elektronesch Musek

De Produzent Cleveland wäert am Januar um Eurosonic Festival optrieden. De radio 100,7 huet den Artist fir dee wichtege Showcase-Event selektionéiert. Dësen Optrëtt kéint him grad nach gefeelt hunn.

Programm

  • Iwwer Mëtteg

  • On air

    Resonanzen

  • Spektrum

  • Ënnerwee

  • Time Out

Dossieren

  • Europawahlen 2019

    Vum 23. bis de 26. Mee gëtt an der EU en neit Europaparlament gewielt. Zu Lëtzebuerg gëtt Sonndes, de 26. Mee gewielt. De radio 100,7 bericht iwwer d'Kandidaten an d'Enjeue vun dëse Wahlen.

  • Festival de Cannes 2019

    Alleguer d'Artikele vum Festival de Cannes 2019.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen