OPL on Tour Technesche Problem stéiert de Concert an der Elbphilharmonie

E Loftgeräisch huet de Concert vum OPL zesumme mat der Starpianistin Yuja Wang gestéiert. Trotzdem ass et de Museker gelongen de Publikum ze begeeschteren.

Luc Boentges / cbi

OPL Tournée Elbphilharmonie
(© Philharmonie)

Am Kader vu senger aktueller Tournée huet de Philharmoneschen Orchester e Concert zu Hamburg an der Elbphilharmonie gespillt. Och wann den OPL am Endeffekt e gudden Androck hannerlooss huet, gouf de Concert iwwer laang Strecke vun engem Geräisch, wahrscheinlech aus der Lëftungsanlag, gestéiert. Virun allem an de Solopassagë vun der Starpianistin Yuja Wang war d'Geräisch immens präsent an huet staark vun der Musek ofgelenkt.

Am Publikum souz d'Amanda Kleinbart, Cornistin am NDR Elbphilharmonie Orchester. Si ass dagdeeglech am grousse Sall vun der Elbphilharmonie a spillt do reegelméisseg Concerten. D'Musekerin seet, datt et en ähnleche Problem zwar schonn eng Kéier ginn hätt, allerdéngs net an deem Ausmooss an och net während engem Concert:

"Mir haten eng Kéier an enger Prouf wierklech e Brochdeel vun deem Geräisch, wat mir haut am Concert haten. Ech als Musekerin - wahrscheinlech nach méi wéi de Recht vum Publikum - ech leiden onmoosseg mat. An et deet mir einfach immens leed fir d'Solistin, den Dirigent a fir de ganzen Orchester, well et stéiert einfach immens d'Konzentratioun."

No der Paus huet kuerz d'Hoffnung bestanen, datt de Problem behuewe wier. Allerdéngs huet d'Geräich och beim zweeten Optrëtt vun der Solistin net laang op sech waarde gelooss. D'Museker hu sech awer weider näischt umierke gelooss an hunn einfach weider gespillt. Dëst huet sech am Endeffekt gelount. De Publikum huet dem OPL a sengem Chefdirigent Gustavo Gimeno nom leschte Stéck - dem Igor Strawinsky sengem Feuervogel - e groussen Applaus geschenkt an en esou zu insgesamt zwee Bise verfouert.

Méi zum Thema

Maurice Clement an Adam Rixer
Opnamen an der Philharmonie

2020 kritt d'Uergel an der Philharmonie 15 Joer. Mat enger CD vum Organist Maurice Clement an dem Trompettist Adam Rixer soll dëse Gebuertsdag gefeiert ginn. Mir ware bei den Opnamen dobäi.

Marly Marques Quintett - Sea CD Change
Zwou CD Releasen a vill Concerten am Land

Den drëtten Disk vum Marly Marques Quintett gëtt de 17. Mee am Kader vum Like a Jazz Machine 2019 am Kulturzenter Opderschmelz zu Diddeleng virgestallt. Si waren eis Invitéen am Studio.

Programm

  • Notturno

  • On air

    Notturno

  • Virum Dag

  • Moies-Magazin

  • Iwwer Mëtteg

Dossieren

  • 76. Filmfestival zu Venedeg

    Zu Venedeg ass déi 76. Editioun vum Filmfestival. Den Tom Dockal ass fir de radio 100,7 op der Plaz. All Dag pickt hie sech ee Film eraus, fir deen da méi genee ënner d'Lupp ze huelen.

  • Lëtzebuerg entdecken

    De Summer ass normalerweis déi Zäit, an där de Lëtzebuerger an d'Vakanz fiert. Mee net nëmmen am Ausland gëtt et vill ze entdecken, och hei am Land ginn et vill schéin Ausfluchsziler.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen