Éischte participative Wunnprojet zu Luerenzweiler fir Senioren (Alter)natiivt Liewen

Iergendwann am Liewe stelle sech eng Partie Leit d'Fro, wéi si spéider, wa si méi al sinn, wëlle liewen. A fir vill vun hinnen ass et keng Optioun an en Altersheem ze goen. D'Astrid Lauterbach huet sech och Gedanke gemaach an decidéiert, spéider mat Gläichaltregen an enger Seniorewunngemeinschaft ze liewen.

Tessy Steffen Koenig / cbi

Seniorewunngemeinschaft
Am Gaart vun der Seniorewunngemeinschaft

Viru ronn zwee Joer huet de RBS Center fir Altersfroen zesumme mat der Nouma op eng Konferenz iwwer d'Zesummen al ginn agelueden, erënnert sech d'Astrid Lauterbach. "No der Konferenz hu sech eng aacht Leit erauskristalliséiert, déi sech wollten zesummendoen an driwwer nodenken, wéi een esou e Projet kéint realiséieren."

Esou ass d'Beienhaus asbl. entstanen. Hiert Zil war an ass et, Promotioun iwwer participatiivt Wunnen ze maachen an iwwer méiglech Modeller ze diskutéieren.

"Ech wëll selwer bestëmmen"

D'Astrid Lauterbach huet sech elo eng Wunneng kaf an deem éischte participative Wunnprojet fir Senioren zu Luerenzweiler.

"Ech wëll am Alter net eleng sinn. Wann ech realistesch sinn, weess ech, datt ech mech iergendwann net méi esou gutt fortbeweege kann. Ech wollt och meng Kanner net domat belaaschten, datt si mer enges Dages soen 'Elo geet et awer wierklech net méi eleng doheem'. Dat wollt ech net. Ech wollt selwer kënnen eng Solutioun sichen a selwer bestëmmen, wat ech maache wann ech al sinn a wou ech wunnen."

D'Membere vun dëser participativer Wunngemeinschaft diskutéieren zesummen, wéi hiert Doheem soll ausgesinn. An der aler Villa sinn d'Gemeinschaftsraim, wéi en Openthaltsraum an eng Kichen.

Déi al Villa, an där d'Gemeinschaftsraim sinn, ass renovéiert an erhale ginn

Donieft gehéiert e grousse Gaart zu der Wunngemeinschaft. Hanner d'Villa gëtt en Neibau gebaut mat 12 Wunnengen tëscht 59 an 96 Quadratmeter an engem Studio vun ëm déi 25 Quadratmeter. D'Wunnenge sinn alleguer altersgerecht: et kënnt een zum Beispill iwwerall mat engem Rollstull hin an et gëtt e Lift am Gebai, an deen och e Bett passt.

Alles gëtt am Grupp diskutéiert

Jiddwereen huet seng eege Wunneng. Mee och an enger Wunngemeinschaft géifen et verschidde Reegele ginn. Zu Beispill missten déi gemeinschaftlech Raim propper gehale ginn.

"Et muss een och net déi ganzen Zäit als Grupp zesumme sinn. Mir hunn eis virgeholl, eventuell eemol d'Woch zesummen ze sinn, fir iwwer Pläng ze diskutéieren."

Et kéint ee sech och virstellen, an de Gemeinschaftsraim emol eng Konferenz ze halen, eng Festivitéit am Gaart oder e Floumaart ze organiséieren.

"Mee dat si Saachen, déi mussen am Grupp decidéiert ginn."

E bësse Courage fir an eng Seniorewunngemeinschaft wunnen ze goe géif awer dozou gehéieren. "Et ass schonn e Schrëtt an d'Ongewësst", seet d'Astrid Lauterbach. Et wier eng aner Géigend, wéi do, wou si elo wunnt, et misst ee verschidde Gewunnechten opginn, mee et wier och e spannende Projet. "An ech wëll jo, datt a mengem Liewen nach eppes Spannendes geschitt".

D'Beienhaus asbl. mat der Astrid Lauterbach (3. v.l. ënnen) an der Emma Zimer vun Nouma (5. v.l. ënnen))

Fir Haiser ze fannen, déi sech fir Wunngemeinschaften eegnen, ass net esou liicht. "Dat ass ee vun den Haaptproblemer," seet d'Astrid Lauterbach. Et gi verschidde Konzepter, wéi een esou Wunngemeinschafte ka realiséieren.

Déi al Villa mam grousse Gaart, an där déi éischt Seniorewunngemeinschaft entsteet, gouf vun engem Promoteur kaf.

"D'Gemeng Luerenzweiler war immens positiv agestallt, wéi mir mat eiser Iddi komm sinn, well dat aalt Gebai erhale bleift. Dat kéint ee sech och an aneren Uertschafte virstellen."

Amplaz datt just eng nei Residenz op engem Terrain gebaut géif ginn, géif hei al an nei kombinéiert ginn. Eng aner Méiglechkeet wier, datt een en Terrain op 99 Joer pacht oder keeft an dorop baut. Dat géif wahrscheinlech och méi bëlleg ginn, seet d'Asrtrid Lauterbach.

"Et wier flott, wa mir méi Support vun enger Gemeng oder vum Staat géife kréien."

D'Astrid Lauterbach hofft, datt sech an Zukunft méi Leit fir dësen alternative Wunnmodell interesséieren.

"Ech wëll selwer bestëmmen, wat ech maachen a wou ech wunnen, wann ech al sinn," seet d'Astrid Lauterbach

Méi Informatioune kritt een op der Porte Ouverte vum éischte participative Wunnprojet zu Luerenzweiler, de 14 Juli 2019.


De ganzen Interview mat der Astrid Lauterbach vun der Beienhaus asbl.:

Lauschteren

Méi zum Thema

Intergenerationellt Wunnen
Logement

Um Kierchbierg soll eng sougenannte Wunnengs-Baukooperativ entstoen, fir datt d'Leit hiren eegene Wunnraum kënne gestalten. Hei soll eng intergenerationell Communautéit entstoen.

Illustratioun Logement
Logement

Zanter e puer Joer investéieren ëmmer méi privat Promoteuren a soziale Wunnengsbau. Ass et méiglech e Profit aus esou Projeten ze zéien? D'Gesetz ass momentan onkloer a soll reforméiert ginn, esou de Logementsministère.

RER Wunnmodeller RER
Riicht Eraus

De Staat misst prioritär um Locatiounsmaart aktiv ginn a méi Wunnraum schafen, seet de President vun der Chambre immobilière. Och aner Alternative misste genotzt gi fir méi bezuelbare Wunnraum ze realiséieren.

Haus mat Suen
Logement

Et gëtt ze wéineg Wunnengen. An déi di do sinn, si fir vill Mënschen net méi ze bezuelen. D'Wunnengsnout ass ee vun de groussen Themen am Wahlkampf. Wéi gesäit d'Situatioun um Terrain aus?

Logement
Themendag Logement

Lëtzebuerg huet en héije wirtschaftleche Wuesstem, d'Bevëlkerung wiisst, mä et feelt u Wunnengen. Wouduerch ass dat bedéngt, wat kënnen de Staat an d'Gemenge maachen, a wéi eng alternativ Wunnforme ginn et?

Programm

  • Moies-Magazin

  • On air

    Panorama

  • Resonanzen

  • Spektrum

  • Ënnerwee

Dossieren

  • Verfassungsreform

    D'Verfassung vun 1868 soll duerch eng nei Verfassung ersat ginn. 2009 gouf dëse Reformprozess formell lancéiert an nach ass d'Aarbecht net ofgeschloss. Et ass nach e Referendum iwwer den neien Text geplangt.

  • Literaturfestival "étonnants voyageurs"

    Iwwer de Päischtweekend stoung d'Literatur aus der ganzer Welt, awer och de Film an d'Ausstellungen am Mëttelpunkt an der klenger bretonescher Festungsstiedche Saint Malo.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen