Mäin Europa Coronavirus an der Groussregioun
D'Corona-Pandemie huet Europa paralyséiert. Och an der Groussregioun, an den Nopeschlänner vu Lëtzebuerg, mussen d'Leit hir Mouvementer an Aktivitéiten op e Minimum reduzéieren.
Fir eis Serie Mäin Europa kuckt de radio 100,7 iwwer d'Lëtzebuerger Grenzen an déi no Grenzgebidder a Frankräich, Däitschland an der däitschproocheger Regioun an der Belsch. Wéi huet den Alldag sech do verännert? Wéi reagéieren d'Leit op déi exzeptionell Ëmstänn? A wat kann een elo schonn aus dëser Kris léieren?
De Pierre Reyland huet mat véier Journaliste geschwat.
Lauschtert säi Reportage an Zesummenaarbecht mat Euranet Plus, dem gréissten europäesche Radio-Reseau fir EU-Aktualitéit.
An der Mediathéik:
LauschterenMéi zum Thema
"Keng Saach vun Angscht, mee vu vernünftegem Virgoen"
Et wier ee confiant, datt een de Virus meeschter gëtt, esou de Romain Nati am 100,7-Interview. Et géif beim Personal eng "Kampfbereetschaft" am Gesondheetssecteur ginn. Jiddweree misst säin Deel dozou bäidroen, fir d'Verbreedung vum Virus ze bremsen.
Lëtzebuerger sollen zeréck an d'Land kommen
Den Ausseministère rifft all d'Lëtzebuerger am Ausland op, dréngend heemzekommen. Ëmmer méi Länner géife Grenzkontrollen aféieren an et géifen ëmmer manner Transportméiglechkeete ginn.
"Dat bréngt méi Rechtssécherheet"
Den Etat d'urgence gëtt dem Land eng méi staark Rechtssécherheet, seet den Alex Bodry. D'Gesetz vum 25. Mäerz 1885, op dat d'Regierung sech bis ewell baséiert huet, hätt eng relativ onsécher Basis.
