Lëtzebuerg entdecken De Béier, d'Gierwerei an d'Ardennen-Offensiv

An eiser Serie "Lëtzebuerg entdecken" geet et an de Norden op Wolz. Am Schlass ginn et do direkt dräi Muséeën ënner engem Dach ze entdecken. De Pit Walté war dohinner.

Pit Walté / cbi

De Béier, d'Gierwerei an d'Ardennen-Offensiv

Ee vun den dräi Muséeën, déi ee sech an de Raimlechkeeten ukucke kann, ass den nationale Musée vun der Braukonscht. Als éischt kënnt een an e Raum, an deem en historesche Café nogestallt gouf, mat original Miwwelstécker aus Wirtschaften.

E puer méi speziell Miwwele ginn et ze gesinn, ënner anerem eenzegaarteg Miwwelstécker fir d'Lëtzebuerger Geschicht, zum Beispill de Comptoir aus dem Café Wëlle Mann an der Stad, wou eng laang Zäit Politik gemaach gouf.

De Béier vu Lëtzebuerg

An anere Raim steet d'Geschicht vum Lëtzebuerger Béier am Mëttelpunkt, dat wat ee fir d'Produktioun u Matière première brauch, an och wéi en hiergestallt gëtt. An deem Kontext bitt de Musée och Seminairen un, an deenen ee selwer Béier maache kann. Schmaachen dierf een en dann natierlech och.

Deen zweeten Musée ass dee vun der Gierwerei, dee klengste vun den dräi. Do sinn e puer Apparaturen ausgestallt, déi ee fir dat Handwierk brauch, d'Geschicht vun der Gierwerei zu Wolz gëtt erkläert a Fotoe sinn ze gesinn.

D'Ardennen-Offensiv

Nieft dem Handwierk gëtt am drëtten Deel vun de Muséeën eng wichteg Etapp an er Geschicht vum Éislek virgestallt, d'Ardennen-Offensiv vum Dezember 1944. De Schwéierpunkt läit do awer net op de militäreschen Aspekter vun dëse Kampfhandlungen, mee et gëtt gewisen, wéi en Impakt se op d'Liewe vun de Bierger a vun den Zaldoten hat.

Eng Geschicht, déi do gezielt gëtt, ass déi vum amerikanesche Kleeschen. 1944 wollten d'Amerikaner, déi zu Wolz stationéiert waren, de Kanner eppes Guddes maachen an de Kleesche féieren. Séier goufe Schockela a Kichelcher zesummegesicht an de Private Richard Brookins huet d'Roll vum Kleeschen iwwerholl.

An dee Richard Brookins ass och Jore méi spéit ëmmer nees op Wolz zeréckkomm fir de Kleeschen ze spillen, bis e leider d'lescht Joer am Alter vu 96 Joer verstuerwen ass.

An der Mediathéik:

Lëtzebuerg entdecken / / Pit Walté
Lauschteren

Méi zum Thema

Minnen Rëmeleng
Lëtzebuerg entdecken

An der Serie Lëtzebuerg entdecken, geet et dës Kéier ënner de Bierg an de Musée national des Mines zu Rëmeleng. De Pit Walté war sech bei enger Visite dohinner ukucken, wéi d'Minnenaarbechter fréier geschafft hunn.

Camping Krounebierg
Lëtzebuerg entdecken

De Camping Krounebierg läit zu Miersch, direkt bei Nationalmonument vun der Onofhängegkeet. Et gouf vill investéiert, fir de fënnef Stäre gerecht ze ginn. De Claude Faber war sech de Camping ukucken.

Mëllerdall
Lëtzebuerg entdecken

Den Nordoste vum Land bitt vill Wander- a Vëlosweeër. De Mëllerdall ass och bekannt als Petite Suisse Luxembourgeoise an op iwwer 112 Kilometer bitt de Mëllerdall-Trail Wanderweeër fir Grouss a Kleng.

Kasematten
Lëtzebuerg Entdecken

D'Tunnellen ënner der Stad zielen zu de gréissten Attraktioune vu Lëtzebuerg. 1867 gouf d'Lëtzebuerger Festung geschläift, d'Kasematte waren awer net betraff. Zanter 1993 si se fir de Public op.

Programm

Dossieren

  • Lëtzebuerg entdecken

    De Summer ass normalerweis déi Zäit, an där de Lëtzebuerger an d'Vakanz fiert. Mee net nëmmen am Ausland gëtt et vill ze entdecken, och hei am Land ginn et vill schéin Ausfluchsziler.

  • Verfassungsreform

    D'Verfassung vun 1868 soll duerch eng nei Verfassung ersat ginn. 2009 gouf dëse Reformprozess formell lancéiert an nach ass d'Aarbecht net ofgeschloss. Et ass nach e Referendum iwwer den neien Text geplangt.

Communiquéen

  • Un nouveau directeur pour la radio 100,7

    Lors de sa réunion du mardi 26 mars 2019, le Conseil d'administration de l'Établissement de Radiodiffusion Socioculturelle a nommé Marc Gerges comme nouveau directeur de la radio 100,7.

  • radio 100,7 revue par ses pairs

    A la demande de la radio 100,7, l'Union Européenne de Radio-Télévision a procédé à une "revue par les pairs" des opérations de la radio 100,7.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen