Lëtzebuerg entdecken Den Aquarium zu Waasserbëlleg

Ënnen op der Musel, zu Waasserbëlleg gëtt et hei am Land en Aquarium, eppes wat vill Leit vläicht net wëssen. An do ginn et net nëmmen déi heemesch Fësch ze gesinn.

Pit Walté / cz

Aquarium Waasserbëlleg 2

1975 scho gouf den Aquarium zu Waasserbëlleg gegrënnt. Ganz am Ufank mat nëmmen zwee Aquariumen, an deenen een déi heemesch Fësch aus der Musel a Sauer konnt gesinn. "An iergendwann ass vun de Fëscher hei an der Regioun gefrot ginn, fir méi dorausser ze maachen", seet d'Cindy Gehlen, Coordinatrice Generale beim CIGR. Et gëtt ee Raum mat Salzwaasser-Becken an ee Raum mat Séisswaasser-Becken.

Déi Fësch schwammen a 15 verschiddenen Aquariumen, déi tëschent 300 a 40.000 Liter variéieren, an dat a beplanzte Waasserlandschaften, an deenen alles natierlech ass, also ouni Plastik geschafft gouf. All Joer probéiert een och nach eppes Spezielles unzebidden.

"Mir haten och scho mol e puer Haien, déi mir mat der Pipette groussgezunn hunn, mee well mir vun der Gréisst an de Raimlechkeete begrenzt sinn, hu mir déi dann awer missen ofginn. Mir kucken awer, datt mir reegelméisseg fir eis Visiteuren nei Attraktivitéiten hunn. Zum Beispill hu mir fir dës Saison e sechseckegen Aquarium organiséiert, wou mir Séipäerdercher dran halen."

Wann ee Chance huet, ass ee grad am Aquarium, wann d'Fësch gefiddert ginn. ass dann natierlech am Waasser e bëssen Opreegung. Soss kann ee sech am Virfeld och eng Visite buchen, an d'Kanner kennen nom Besuch nach op déi grouss Spillplaz, déi zum Aquarium gehéiert.

Seet d'Cindy Gehlen vum CIGR Kanton Gréiwemaacher, déi fir d'Gestioun vum Aquarium responsabel ass. Déi Spillplaz huet och e maritiimt Thema, also ganz passend. A well den Aquarium direkt um Vëlos-Wee laanscht d'Sauer läit, ass et och e flotten Tëschestopp, fir mol eng Paus ze maachen. E Besuch am Aquarium zu Waasserbëlleg kann een och nach mat der Visite vun enger anerer Attraktioun op der Musel verbannen. Duerch eng Kooperatioun mam Päiperlécksgaart zu Gréiwemaacher, kéint een och Kombi-Ticketen ubidden, fir déi zwou Plazen ze besichen, sou Cindy Gehlen.

An der Mediathéik:

Lëtzebuerg entdecken / / Pit Walté
Lauschteren

Méi zum Thema

Camping Beaufort Plage
Lëtzebuerg entdecken

Schwammen am Summer a Schlittschong fueren am Wanter. Do kënnen net vill Campinge mathalen. De Claude Faber mat engem weideren Deel aus eiser Summer-Serie Lëtzebuerg entdecken.

Automusée 2
Lëtzebuerg entdecken

An eiser Serie Lëtzebuerg entdecken gi mir haut an d'Welt vun den Autoen, méi genee op Dikrech, an de Conservatoire National de Véhicules historiques. 35 Gefierer aus verschiddenen Epoche kann een hei gesinn.

Net verpassen

Dossieren

  • Mäin Europa

    Europa ass e feste Bestanddeel am Alldag vu senge Bierger. Mee mécht sech d'EU am deegleche Liewe vun den Europäer bemierkbar? Wat bréngt d'Europäesch Unioun hire Bierger? Mir weise konkret Beispiller.

  • Google-Datenzenter

    Google wëllt op Lëtzebuerg kommen: op engem Feld zu Biisse wëllt déi amerikanesch Internetentreprise en Datenzenter bauen. Kritik gëtt et ënner anerem um méigleche Waasser- a Stroumverbrauch.

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen