Sot emol "Ech hu vu Klengem u gezeechent"
Den Ingo Schandeler ass vun der Formatioun hir Ingenieur an en huet och bis d'Pensioun als Enseignant ënner anerem op der Uni Lëtzebuerg geschafft. Mee eng Passioun, déi enb zanter senger Kannerzäit huet, ass d'Konscht a besonnesch d'Molerei.
Den Ingo Schandeler huet ëmmer gezeechent, an der Haaptsaach waren dat och schonn als Kand Karikaturen.
"An der Schoul vill gemoolt, och fir d'Zäit ze iwwerbrécke wann et langweileg war. Mee ech hu mech net getraut fir de Beruff Kënschtler als Vollberuff ze maachen. Ech war och mathematesch gesi gutt drop an do sinn ech dann nom Secondaire op d'Uni gaangen an hunn Ingenieur gemaach."
Keng Grenzen tëscht de Genren
Am Ingo Schandeler senge Biller gesäit een, wat dem Artist um Häerz läit, nämlech Technik vun de Cartoons an der Karikatur mat der Molerei ze vermëschen.
"An net nëmmen op engem normale wäisse Blat e puer Strécher ze maachen, mee dat dann eben och nach kënschtleresch weider ze féieren."
Recycling ass e groussen Theema
Den Ingo Schandeler huet a senge Kreatiounen ëmmer iergend wéi de Recycling mat afléisse gelooss.
"Op dat vum Material hir war, dat ech benotzt hunn oder vun der Iddi datt déi Biller net solle just als Biller anzwousch genotzt ginn, mee och als Illustratioune fir Bicher oder soss eppes"
An der Mediathéik:
LauschterenMéi zum Thema
"Ech ginn an d'Militärmusek"
Fréi schonn hat den Ernie Hammes sech an de Kapp gesat an d'Militärmusek ze goen. Fir dat Zil ze erreechen huet hien och déi néideg Demarchë gemaach. Seng Villsäitegkeet huet him a senger Karriär immens gehollef.
De Kapp vun der Luxembourg Art Week
Bis e Sonndeg ass an der Stad déi 7. Editioun vun der Luxembourg Art Week. De Papp - a Kapp - vun der Art Week ass den Alex Reding, deen dëst Joer mat senger Galerie 20 Joer feiert.
