Muséeën iwwer Bierg an Dall Musée National des Mines

1810 war scho gewosst, datt et zu Lasauvage Eisenäerz gëtt. Ronn 100 Joer duerno war Lëtzebuerg an den Top 10 vun den Eisenäerz-Produzenten op der Welt. Am Musée National des Mines gëtt dorun erënnert.

Natasha Ehrmann / cbi

Am Minnemusée

De Biergbau war eng ganz wichteg Episod an der Lëtzebuerger Geschicht. Schonn 1810 war gewosst, datt et zu Lasauvage Eisenäerz gëtt.

Lëtzebuerg hat d'Chance ee klengen Deel vum Loutrengesche Baseng ofkritt ze hunn, dat obwuel manner wéi zéng Prozent vum Eisenäerz op Lëtzebuerger Buedem ze fanne waren. Lëtzebuerg hat awer dee Virdeel, datt d'Eisenäerz hei am Land manner déif louch. Dat huet zum Resultat geféiert, datt et vill méi fréi a bëlleg konnt ausgebeut ginn, wéi dat a Loutrengen de Fall war.

D'Wichtegkeet vun den Eisebunnen

Et sollt awer bis 1860 daueren, bis datt et zu Lëtzebuerg richteg interessant gouf d'Eisenäerz ofzebauen. Eréischt mat den Eisebunne konnt de Räichtum Minett käschtegënschteg geliwwert ginn. Domadder huet d'Stolindustrie sech niddergelooss, an zu Lëtzebuerg ass eng Wirtschaftsmuecht entstanen.

Den Denis Klein

"Dat war eng ganz grouss Chance fir Lëtzebuerg, well doduercher internationaalt Kapital an Aarbechter an d'Land koumen, an et ass eng Wirtschaftsmuecht opgebaut ginn", seet den Denis Klein.

Déi gréisste Sammlung

Am Musée National des Mines géif et déi gréisste Sammlung u Biergbaumaschinne ginn, zielt hien. "Mir hunn handbedriwwe Maschinnen, Pressloftmaschinne vun ëm 1890 bis 1900", mee de Musée hätt och e Buerwon, deen an den 80er Jore getest gouf a vun engem moderne Roboter gesteiert gëtt. "Mir kënnen déi ganz Evolutioun fir de Visiteur erliefbar maachen".

De gréissten Deel vun der Ausstellung vum Musée des Mines ass an der Minn Walert ze gesinn. Dat war eng mëttelgrouss Minn mat enger Surface vu 44 Hektar, an där eng ronn 70 Leit dra geschafft hunn.

Zu Rëmeleng waren dräi Konzessiounen:

  • D'Minn Walert, déi der Rodanger Schmelz gehéiert huet
  • D'Konzessioun Kierchbierg, déi der belscher Entreprise Cockerill gehéiert huet
  • An de Langegronn, déi der Déifferdenger Schmelz gehéiert huet

An der Mediathéik:

Lauschteren

Méi zum Thema

Fligermusée1
Muséeën iwwer Bierg an Dall

Zanter 2012 steet zu Munneref de Lëtzebuerger Fligermusée. Eent vun den Haapttheeme vum Musée ass deen éischte groussen internationale Meeting vun der Fligerei zu Munneref am Joer 1910.

Pompjeesmusée zu Wolz 2
Iwwer Bierg an Dall

Hanner dem Pompjeesmusée zu Nidderwolz sti sechs Pensionnairen, déi mat vill Enthusiasmus an Engagement de "Pompjeesmusée an der Géitz" verwierklecht hunn. De Musée erzielt d'Geschicht vum Feier läschen hei am Land.

Programm

Net verpassen

  • Offre d'emploi: Un(e) rédacteur(rice) web

    Webjournalist

    L'Etablissement Public de Radiodiffusion Socioculturelle recrute, pour entrée immédiate ou à convenir, Un(e) rédacteur(rice) web sous contrat à durée déterminée pour une durée de 12 mois et à temps plein.

Dossieren

  • #beethoven20

    De Jean Muller gëtt an 32 Episoden en déiwen Abléck an de Kosmos vum Ludwig van Beethoven senge Pianossonaten.

  • Coronavirus

    Den neiaartege Coronavirus Sars-CoV-2 breet sech ëmmer méi aus. De Virus léist d'Krankheet COVID-19 aus. Wéi eng Mesurë gi geholl, a wéi een Impakt huet en op Lëtzebuerg?

Iwwert eis

De radio 100,7 ass deen eenzegen ëffentlech-rechtleche Radio zu Lëtzebuerg. E proposéiert Programmer op Lëtzebuergesch mat engem Fokus op Informatioun, Kultur, Divertissement a mat Akzent op d’klassesch Musek.

Weider liesen