Corona-Pandemie Selwer Maske bitzen
Rezent hat d'Regierung opgeruff fir Fräiwëlleger ze fannen, déi kéinten a wéilte Maske bitzen, well um Ufank vun der Corona-Pandemie net genuch Schutzmaterial zur Verfügung war.
Nodeems iwwer d'Internetsäit govjobs.lu en Opruff gemaach gi war fir Leit ze fannen, déi fräiwëlleg Maske bitzen, war den Engagement grouss: sou grouss, datt d'SIL - Scouts in Luxembourg - sech der Koordinatioun an der Gerance zesumme mat der Post ugeholl hunn. Vun der Regierung gouf e Flyer zur Verfügung gestallt, an deem ee Schrëtt fir Schrëtt erkläert kritt, wéi een esou eng Mask ka bitzen.
Wie Maske bitzt, kritt vun der Post eng Këscht geliwwert, leet seng fäerdeg Masken dran, an d'Post hëlt se mat - alles ouni direkte Kontakt. D'Maske gi gratis verdeelt an et muss preziséiert ginn, datt se weder zertifiéiert, nach gepréift sinn. Si hëllefen awer, datt de Virus net esou séier weidergedroe gëtt. Wien Zäit, Loscht a Material huet, an och wëllt Maske bitzen, dee ka sech gären nach mellen.
Et muss ee säin eegent Material benotzen. Iwwer den Telefon 27 40 40 14 e Mail op bitzdoheem@sil.lu kritt ee weider Informatiounen.
An der Mediathéik:
LauschterenMéi zum Thema
Lëtzebuerger Recherche ass gutt opgestallt
D'Recherche zu Lëtzebuerg kéint all déi relevant Aspekter vun der aktueller Corona-Kris ofdecken, seet de Paul Wilmes. De Mikrobiolog ass ee vun de Responsabele vun enger neier Corona-Task-Force, déi d'Aarbecht vu 14 Aarbechtsgruppe koordinéiert.
"Fir d'Leit do sinn" - an der Kris an duerno
Wat geschitt mat Leit ouni Krankeversécherung, déi medezinesch Hëllef brauchen? Médecins du Monde betreit esou Patiente dat ganzt Joer iwwer - och elo an der Coronavirus-Pandemie.
